Monster Boy and the Cursed Kingdom

[ Zawgyi ]

ဒီတစ္ပတ္မွာေတာ့ ကစားရတာ နည္းနည္းဆန္းမယ့္ ဂိမ္းသစ္ေလးတစ္ခုနဲ႔ မိတ္ဆက္ေပးခ်င္ပါတယ္။ ၁၉၉၀ ဝန္းက်င္ေလာက္က ထြက္ရွိခဲ့တဲ့ Wonder Boy III: The Dragon’s Trap ဂိ္မ္းေလးနဲ႔ ဆင္ပါတယ္။ ဒါေပမဲ့ အခုမွ နည္းပညာ အားေကာင္းေကာင္းနဲ႔ စိတ္ဝင္စားစရာ ထြက္လာေတာ့ ကစားခ်င္စရာပါ။ တိုက္ခုိက္ေရး ဂိမ္းလည္းဟုတ္တယ္၊ ပေဟဠိေတြကို ေျဖရွင္းရမႈလည္း ပါမယ္၊ စြန္႔စားခန္း ဇာတ္လမ္းသြား အေနနဲ႔လည္း ကစားရမယ္၊ ကစားသူကို ရသအစံုေပးႏုိင္မယ့္ ဂိမ္းေလးပါပဲ။ Platform အစံုနဲ႔လည္း ကစားႏုိင္ေတာ့ ပိုေကာင္းတာေပါ့။

ဒါနဲ႔ဆက္ၿပီး ဘာေၾကာင့္ဆန္းတဲ့ ဂိမ္းလို႔ေျပာရတာလဲဆိုေတာ့ ဇာတ္ေကာင္ေလးက ပံုမွန္ဂိမ္းေတြမွာ လူသားဆုိရင္၊ လူသားအေနနဲ႔ပဲ၊ စက္႐ုပ္ဆိုရင္လည္း စက္႐ုပ္အေနနဲ႔ပဲ ကစားႏုိင္တာ ျဖစ္ေပမယ့္ အခုဂိမ္းမွာေတာ့ ဇာတ္ေကာင္အေနနဲ႔ ကစားေနရင္း လိုအပ္ရင္ လိုအပ္သလို ဇာတ္ေကာင္ပံုစံ ၆ ခုထိေအာင္ ေျပာင္းလဲပစ္လုိက္ႏုိင္လုိ႔ ျဖစ္ပါတယ္။ ဒါေၾကာင့္လည္း သူ႔ကို Monster Boy လုိ႔ ေခၚတာေပါ့ေလ။

ဇာတ္ေကာင္ေလးရဲ႕ အမည္က Jin ပါ။ သူ႔မွာ အထက္က ေျပာခဲ့သလို ဇာတ္႐ုပ္ေျပာင္းလဲႏုိင္တဲ့ အစြမ္းေတြ ရွိပါတယ္။ စုစုေပါင္း ၆ မ်ိဳးထိေအာင္ ျဖစ္ပါတယ္။ ဘာေတြလဲဆိုေတာ့
ဝက္ကေလးအျဖစ္ ေျပာင္းႏုိ္င္တယ္၊ Jin ေလး ဝက္ျဖစ္သြားရင္ အနံ႔ခံ စြမ္းရည္ေတြကို ပိုေကာင္းလာမယ္၊ ပေဟဠိဆန္ဆန္ ေျဖရွင္းေက်ာ္ျဖတ္ရမႈေတြမွာ သဲလြန္စေတြ ေပးထားတယ္၊ အဆိုပါ သဲလြန္စေတြကို ရွာေဖြရ ပိုလြယ္ေစတယ္၊ ေနာက္ၿပီး ေျမြေလးအျဖစ္ ေျပာင္းလဲမယ္ဆိုရင္ တြင္းေပါက္ ေသးေသးေလးေတြကိုပါ ဝင္ေရာက္သြား လာႏုိင္မယ္၊ လ်င္လ်င္ျမန္ျမန္ တြားသြားသြားႏုိင္တာေတြ လုပ္ႏုိင္မယ္၊ ဖားအျဖစ္လည္း ေျပာင္းႏုိင္ေသးတယ္၊ သူ႔ရဲ႕ လွ်ာအရွည္ႀကီးကိုသံုးၿပီး တစ္ေနရာကေန တစ္ေနရာကို လွမ္းဆြဲႏုိင္၊ သြားႏုိင္ေစတယ္၊ အေဝးက ပစၥည္းေတြကို လွ်ာနဲ႔လွမ္းယူႏုိင္တာေတြ လုပ္ႏုိင္မယ္။ အားမာန္ေကာင္းေကာင္းနဲ႔ ရင္ဆိုင္ရမယ့္ အခန္းေတြမွာ Jin ေလးကို ျခေသၤ့ပံုစံ ေျပာင္းလဲ ပစ္ႏုိ္င္ေသးတယ္။ တကယ္လုိ႔ ပ်ံသန္းဖုိ႔ လိုအပ္လာၿပီ ဆိုရင္ေတာ့ နဂါးအျဖစ္ ေျပာင္းလဲႏိုင္ပါတယ္။ မီးနဲ႔မႈတ္ၿပီး တိုက္ခုိက္မႈလည္း လုပ္ႏုိင္ပါတယ္။ ဒီလို အေနအထားေတြ ေျပာင္းလဲ မထားဘူးဆိုရင္ေတာ့ Jin က လူသားေလး
အေနနဲ႔ သြားလာရင္း အခက္ အခဲေတြကို ရင္ဆိုင္ေက်ာ္ျဖတ္ အႏု္ိင္ရေအာင္ ကစားရမွာပါ။ အဓိက ရင္ဆို္င္ရမယ့္ ရန္သူႀကီး Lord Xaros ကို အႏုိင္ယူၿပီး အေမွာင္ကမ႓ာအေနနဲ႔ အသက္ သြင္းခံထားရတဲ့ Jin ရဲ႕ တိုင္းျပည္ ကို ကယ္တင္ရမွာ ျဖစ္ပါတယ္။

သတၱဝါ တစ္ခုခုအေနနဲ႔ ေျပာင္းလဲလိုက္ရင္ေတာ့ ေျပာခဲ့သလို အားသာခ်က္ေတြ ရလာမွာျဖစ္ၿပီး လူသားအေနနဲ႔ ကစားေနခ်ိန္မွာေတာ့ လက္နက္ေတြ အသံုးျပဳ တိုက္ခုိက္ႏုိ္င္မယ္၊ Shop ကေန လက္နက္ အသစ္ေတြဝယ္ႏုိင္မယ္၊ ရွိၿပီးသား လက္နက္ကိုလည္း အဆင့္ျမႇင့္ႏုိင္မယ္၊ စခန္းသြား တစ္ေလွ်ာက္ Gemstone ေတြ ေပးထားမယ္၊ ရသမွ်စုထားၿပီး မိမိလက္နက္ ေတြကို အဆင့္ျမႇင့္ႏုိင္မွာ ျဖစ္ပါတယ္။ Single အေနနဲ႔ပဲ ကစားႏုိင္မယ့္ အခု ဂိမ္းေလးက Console နဲ႔ဆိုရင္လည္း PS4, Nintendo Switch နဲ႔ Xbox One ေတြ အားလံုးနဲ႔ ကစားႏုိင္ေအာင္ ဖန္တီးထားသလို Wins စနစ္သံုး ကြန္ပ်ဴတာေတြနဲ႔လည္း ရမွာပါ။

-သက္ႏိုင္ဦး (UCSL)

[ Unicode ]

ဒီတစ်ပတ်မှာတော့ ကစားရတာ နည်းနည်းဆန်းမယ့် ဂိမ်းသစ်လေးတစ်ခုနဲ့ မိတ်ဆက်ပေးချင်ပါတယ်။ ၁၉၉၀ ဝန်းကျင်လောက်က ထွက်ရှိခဲ့တဲ့ Wonder Boy III: The Dragon’s Trap ဂိ်မ်းလေးနဲ့ ဆင်ပါတယ်။ ဒါပေမဲ့ အခုမှ နည်းပညာ အားကောင်းကောင်းနဲ့ စိတ်ဝင်စားစရာ ထွက်လာတော့ ကစားချင်စရာပါ။ တိုက်ခိုက်ရေး ဂိမ်းလည်းဟုတ်တယ်၊ ပဟေဠိတွေကို ဖြေရှင်းရမှုလည်း ပါမယ်၊ စွန့်စားခန်း ဇာတ်လမ်းသွား အနေနဲ့လည်း ကစားရမယ်၊ ကစားသူကို ရသအစုံပေးနိုင်မယ့် ဂိမ်းလေးပါပဲ။ Platform အစုံနဲ့လည်း ကစားနိုင်တော့ ပိုကောင်းတာပေါ့။

ဒါနဲ့ဆက်ပြီး ဘာကြောင့်ဆန်းတဲ့ ဂိမ်းလို့ပြောရတာလဲဆိုတော့ ဇာတ်ကောင်လေးက ပုံမှန်ဂိမ်းတွေမှာ လူသားဆိုရင်၊ လူသားအနေနဲ့ပဲ၊ စက်ရုပ်ဆိုရင်လည်း စက်ရုပ်အနေနဲ့ပဲ ကစားနိုင်တာ ဖြစ်ပေမယ့် အခုဂိမ်းမှာတော့ ဇာတ်ကောင်အနေနဲ့ ကစားနေရင်း လိုအပ်ရင် လိုအပ်သလို ဇာတ်ကောင်ပုံစံ ၆ ခုထိအောင် ပြောင်းလဲပစ်လိုက်နိုင်လို့ ဖြစ်ပါတယ်။ ဒါကြောင့်လည်း သူ့ကို Monster Boy လို့ ခေါ်တာပေါ့လေ။

ဇာတ်ကောင်လေးရဲ့ အမည်က Jin ပါ။ သူ့မှာ အထက်က ပြောခဲ့သလို ဇာတ်ရုပ်ပြောင်းလဲနိုင်တဲ့ အစွမ်းတွေ ရှိပါတယ်။ စုစုပေါင်း ၆ မျိုးထိအောင် ဖြစ်ပါတယ်။ ဘာတွေလဲဆိုတော့
ဝက်ကလေးအဖြစ် ပြောင်းနို်င်တယ်၊ Jin လေး ဝက်ဖြစ်သွားရင် အနံ့ခံ စွမ်းရည်တွေကို ပိုကောင်းလာမယ်၊ ပဟေဠိဆန်ဆန် ဖြေရှင်းကျော်ဖြတ်ရမှုတွေမှာ သဲလွန်စတွေ ပေးထားတယ်၊ အဆိုပါ သဲလွန်စတွေကို ရှာဖွေရ ပိုလွယ်စေတယ်၊ နောက်ပြီး မြွေလေးအဖြစ် ပြောင်းလဲမယ်ဆိုရင် တွင်းပေါက် သေးသေးလေးတွေကိုပါ ဝင်ရောက်သွား လာနိုင်မယ်၊ လျင်လျင်မြန်မြန် တွားသွားသွားနိုင်တာတွေ လုပ်နိုင်မယ်၊ ဖားအဖြစ်လည်း ပြောင်းနိုင်သေးတယ်၊ သူ့ရဲ့ လျှာအရှည်ကြီးကိုသုံးပြီး တစ်နေရာကနေ တစ်နေရာကို လှမ်းဆွဲနိုင်၊ သွားနိုင်စေတယ်၊ အဝေးက ပစ္စည်းတွေကို လျှာနဲ့လှမ်းယူနိုင်တာတွေ လုပ်နိုင်မယ်။ အားမာန်ကောင်းကောင်းနဲ့ ရင်ဆိုင်ရမယ့် အခန်းတွေမှာ Jin လေးကို ခြင်္သေ့ပုံစံ ပြောင်းလဲ ပစ်နို်င်သေးတယ်။ တကယ်လို့ ပျံသန်းဖို့ လိုအပ်လာပြီ ဆိုရင်တော့ နဂါးအဖြစ် ပြောင်းလဲနိုင်ပါတယ်။ မီးနဲ့မှုတ်ပြီး တိုက်ခိုက်မှုလည်း လုပ်နိုင်ပါတယ်။ ဒီလို အနေအထားတွေ ပြောင်းလဲ မထားဘူးဆိုရင်တော့ Jin က လူသားလေး
အနေနဲ့ သွားလာရင်း အခက် အခဲတွေကို ရင်ဆိုင်ကျော်ဖြတ် အနု်ိင်ရအောင် ကစားရမှာပါ။ အဓိက ရင်ဆို်င်ရမယ့် ရန်သူကြီး Lord Xaros ကို အနိုင်ယူပြီး အမှောင်ကမ႓ာအနေနဲ့ အသက် သွင်းခံထားရတဲ့ Jin ရဲ့ တိုင်းပြည် ကို ကယ်တင်ရမှာ ဖြစ်ပါတယ်။

သတ္တဝါ တစ်ခုခုအနေနဲ့ ပြောင်းလဲလိုက်ရင်တော့ ပြောခဲ့သလို အားသာချက်တွေ ရလာမှာဖြစ်ပြီး လူသားအနေနဲ့ ကစားနေချိန်မှာတော့ လက်နက်တွေ အသုံးပြု တိုက်ခိုက်နို်င်မယ်၊ Shop ကနေ လက်နက် အသစ်တွေဝယ်နိုင်မယ်၊ ရှိပြီးသား လက်နက်ကိုလည်း အဆင့်မြှင့်နိုင်မယ်၊ စခန်းသွား တစ်လျှောက် Gemstone တွေ ပေးထားမယ်၊ ရသမျှစုထားပြီး မိမိလက်နက် တွေကို အဆင့်မြှင့်နိုင်မှာ ဖြစ်ပါတယ်။ Single အနေနဲ့ပဲ ကစားနိုင်မယ့် အခု ဂိမ်းလေးက Console နဲ့ဆိုရင်လည်း PS4, Nintendo Switch နဲ့ Xbox One တွေ အားလုံးနဲ့ ကစားနိုင်အောင် ဖန်တီးထားသလို Wins စနစ်သုံး ကွန်ပျူတာတွေနဲ့လည်း ရမှာပါ။