December 13, 2017

Xenoma e-Skin စမတ်အင်္ကျီ

ဂျပန်နိုင်ငံရှိ တိုကျိုတက္ကသိုလ်က ပါမောက္ခတစ်ဦးဖြစ်သူ Takao Someya ရဲ့သုတေသနအဖွဲ့လေးကို အကြောင်းပြုကာ ၂၀၁၅ ခုနှစ်မှာ Xenoma Inc ဆိုတဲ့ ကုမ္ပဏီလေးတစ်ခု ဖွဲ့စည်းတည်ထောင် ဖြစ်ခဲ့တယ်။ ERATO Someya Bioharmonized Electronics Project ကို အကောင်အထည်ဖော်ရင်း e-skin (Electronic Skin) နည်းပညာကို အသုံးချထားတဲ့ ကုန်ပစ္စည်းများ ထုတ်လုပ်ဖို့ တည်ဆောင်ခဲ့ကြတာလို့ပြောရင် မမှားနိုင်ပေ။ နည်းပညာပိုင်းဆိုင်ရာ ပံ့ပိုးမှုများကို JST (Japan Science and Technology
Agency) ကရရှိခဲ့ကြပြီး ငွေကြေးမတည်ရန်ပုံငွေအတွက် Beyond Next Venture ကရရှိတယ်။ မူလမတည်ငွေအဖြစ် ဒေါ်လာ ၁.၆ သန်းနဲ့ညီမျှတဲ့ ဂျပန်ယန်းငွေကို ရရှိခဲ့တာဖြစ်တယ်။ ဒါ့အပြင် ထပ်မံပြီး NEDO (New Energy and Industrial Technology Development Organi-zation) ကလည်း ဒေါ်လာငွေ ၆.၆ သိန်းနဲ့ ညီမျှတဲ့ထောက်ပံ့ငွေကိုလည်း ရရှိပြန်တယ်။ ငွေကြေးအင်အား နည်းပညာနဲ့ လူ့စွမ်းအား အရင်းအမြစ်တွေ အလုံအလောက်ရရှိနိုင်ခဲ့တာကြောင့် e-skin စီမံကိန်းကြီးကို သတ်မှတ်ထားတဲ့ အချိန်ထက်စောလျင်စွာ အောင်မြင်ပြီးစီးသွားနိုင်ခဲ့တယ်။

၂၀၁၇ ခုနှစ် သြဂုတ်လဆန်းက Xenoma e-Skin ဆိုတဲ့ စမတ်ရှပ်အင်္ကျီကို မိတ်ဆက်ရင်း အမှာစာများ လက်ခံယူကာ တစ်ချိန်တည်းမှာ စတင်ရောင်းချတဲ့ပွဲကို ဂျပန်နိုင်ငံတိုကျိုမြို့မှာ ကျင်းပသွားတာကို တွေ့မြင်ကြရတယ်။ e-Skin စမတ်အင်္ကျီလေးကို အီလက်ထရွန်နစ် ဆားကစ်လေးများ (electronic cricuits)၊ ပုံနှိပ်ဆင်ဆာများ (Printable sensors) ထည့်သွင်းချုပ်လုပ် ထားတာဖြစ်တယ်။ ဒီလို အီလက်ထရွန်နစ်ပစ္စည်းများ ထည့်သွင်းချုပ်လုပ်ထားတဲ့ အင်္ကျီဖြစ်ပေမယ့် ဝတ်ဆင်ရာမှာ သာမန်ဝတ်နေကျ ကိုယ်ကျပ်အင်္ကျီ ဝတ်ဆင်ရသလို သက်သောင့်သက်သာ အဆင်ပြေပြေ ဝတ်ထားနိုင်စေတယ်။ စမတ်ရှပ်အင်္ကျီကို ရေစိုခံပုံစံအဆင်ပြေပြေ ဝတ်ထားနိုင်စေပါတယ်။ စမတ်ရှပ်အင်္ကျီကို ရေစိုခံပုံစံ သဘာဝလည်းရှိသလို အဝတ်လျှော်စက်နဲ့ လျှော်ဖွပ်လို့လည်းရတယ်။ ဝတ်ဆင်ထားသူရဲ့လှုပ်ရှားမှုမှန်သမျှကိုသိရှိပြီး မှတ်တမ်းတင်နိုင်ခြင်း၊ ကျန်းမာရေးကြံ့ခိုင်ရေး အခြေအနေအရပ်ရပ်ကို ဆန်းစစ်ခွင့်
ရနိုင်ခြင်းတို့လို အကျိုးဆက်တွေ ခံစားခွင့်ရနိုင်တယ်။ ပိုမိုသွက်လက် လှုပ်ရှားနိုင်စေတဲ့ အဝတ်အထည်ကို ဝတ်ဆင်ရတဲ့  အားကစားသမားများ စိတ်ကြိုက်ဖြစ်စေမယ့် ပုံစံလည်းဖြစ်တယ်။ ဂိမ်းကစားတဲ့သူတွေ ဝတ်ဆင်မယ်ဆိုရင်လည်း သွက်လက်စွာ ထိန်းချုပ်လုပ်ကိုင်မှုကို အထောက်အပံ့ပေးစေတယ်လို့လည်း သိရတယ်။ စာပွဲတစ်လုံးရှေ့မှာထိုင်ပြီး ကွန်ပျူတာနဲ့ အလုပ်လုပ်နေရသူများပင် နောက်ကျောတောင့်ခြင်း လျော့နည်းသွားစေတယ်လို့ ဆိုညွှန်းထားတယ်။

Xenoma e-Skin ဆိုတဲ့ စမတ်အင်္ကျီကို ယေဘုယျအားဖြင့် ကြံ့ခိုင်ကျန်းမာရေး စောင့်ရှောက်မှုကိရိယာအဖြစ် နားလည်ထားနိုင်တယ်။ ဒါပေမဲ့ တကယ်တမ်း လက်တွေ့အသုံးချကြည့်တဲ့အခါ လေ့ကျင့်ခန်းများ လုပ်ဆောင်ရာမှာ ဝတ်ဆင်တဲ့အင်္ကျီအဖြစ် ပိုပြီးနှစ်သက်ကြရတယ်။ ဒီအခါမှာ Xenoma e-Skin အနေနဲ့ personal trainer လို့ သဘောထားအားကိုးနိုင်ပါ လိမ့်မယ်။ နောက်ဆုံးညွှန်းတမ်း တစ်ခုကတော့ ခန္ဓာကိုယ်ကိုအရင်းပြုပြီး လုပ်ကိုင်ဆောင်ရွက်ရတဲ့ ကုန်ထုတ်လုပ်မှု လုပ်ငန်းတွေမှာ ဝတ်ဆင်အသုံးပြုစေမယ်ဆိုရင် သက်သောင့်သက်သာ မြန်ဆန်စွာနဲ့ ကုန်ထုတ်လုပ်အား တိုးမြှင့်သွားစေမယ်ဆိုတဲ့ ပြောဆိုချက်ဖြစ်တယ်။

အင်္ကျီအဖြစ် ဝတ်ဆင်လိုက်တဲ့အခါ ခန္ဓာကိုယ်မှာ မူလခန္ဓာရဲ့အရေပြားသစ်တစ်ခုသဖွယ် ခြုံအုပ်ထားစေပြီး အာရုံကြောဆိုင်ရာ အချက်အချာကျတဲ့ ခန္ဓာကိုယ်ရဲ့နေရာများအတွက် Strain Sensors အရေအတွက် (၁၄) ခုရှိနေစေတယ်။ ဒီအတွက် ညွှတ်ကွေးမှု (beveling)၊ ဆန့်တန်းမှု (Stretching)၊ အရိုးအဆစ်များလိမ်ကျစ်ခြင်း (Twisting of joints) အပါအဝင် လှုပ်ရှားမှုမှန်သမျှကို စစ်ဆေးညွှန်ပြနိုင်တယ်။ အင်္ကျီအရွယ်အစားအမျိုးမျိုးနဲ့ ထုတ်လုပ်မယ့်အကြောင်းလည်း ကြေညာသွားတဲ့အတွက် ရွေးချယ်ခွင့် အခွင့်အလမ်းလည်း ရှိကြပါတယ်။

Xenoma e-Skin စမတ်အင်္ကျီမှာ 3 Axis Gyro Sensor တို့ 3 Axis acceleration တို့ကို Bluetooth စနစ်နဲ့ချိတ်ဆက် ထားပေးတယ်။ စွမ်းဆောင်ချက်တွေရဲ့လိုအပ်တဲ့ပါဝါအတွက် ၄ နာရီကြာ အသုံးခံနိုင်တဲ့ ဘက်ထရီပါထားတယ်။ အားပြန်သွင်းဖို့အတွက် e-skin hub ရဲ့ ကိုယ်ထည်မှာ Micro USB Port ထည့်ပေးထားတယ်။ Software Development kit က windows ကွန်ပျူတာစနစ်နဲ့ဖြစ်ဖြစ်၊ Android စနစ်နဲ့ဖြစ်ဖြစ် လိုက်လျောညီထွေ လုပ်ကိုင်နိုင်စွမ်းရှိပါလိမ့်မယ်။ ဒီအတွက်အင်္ကျီရဲ့ရင်ခေါင်းနေရာမှာ e-skin ရဲ့ hub ပါဝင်ထားတာကို တွေ့မြင်ရမှာဖြစ်တယ်။

၂၀၁၇ ခုနှစ်ရဲ့နှစ်ဆန်းပိုင်းမှာ ကျင်းပပြီးစီးသွားခဲ့တဲ့ CES-2017 ပြပွဲကြီးမှာ နမူနာပုံစံပြု e-skin Game Demo တို့၊ e-skin Dance Demo တို့၊ e-skin Golf Demo တို့အပြင် Holo Lens နဲ့တွဲဖက် လုပ်ကိုင်နိုင်စေမယ့် Demo တွေကို ပြသခဲ့စဉ်က သဘောကျနှစ်ခြိုက် ခဲ့ကြပေမယ့် တကယ်တမ်း ထုတ်လုပ်ရောင်းချနိုင်မယ့် အချိန်ကာလကို မဖော်ပြခဲ့တဲ့အတွက် e-skin အပေါ် စိတ်ဝင်စားမှုထင်ပေါ်ခြင်း မရှိခဲ့ပေ။ ဒါပေမဲ့တကယ်တမ်း ထုတ်ကုန်အဖြစ် လက်တွေ့မိတ်ဆက် ရောင်းချတဲ့အခါ စိတ်ဝင်စားသူများ ပိုမိုများပြားသွားကြရတယ်။ Microsoft ရဲ့ HoloLens ပေါင်းစပ်ပြီး အသုံးပြုလိုသူတွေလည်း အများအပြားပေါ်ထွန်း လာခဲ့တယ်။ ဒါ့အပြင် e-skin ကို Mac ကွန်ပျူတာတို့၊ iOS ကိရိယာတို့နဲ့ တွဲဖက်အသုံးပြုနိုင်မယ်လို့လည်း အာမခံချက်ပေးလာတဲ့အတွက် e-skin App တွေအမျိုးမျိုးနဲ့ မြိုင်မြိုင်ဆိုင်ဆိုင် တွေ့ကြရတော့မှာ ဖြစ်တယ်။

e-skin ကို အရေပြားတုလို့ အဓိပ္ပါယ်ကောက်ယူနိုင်ပါလိမ့်မယ်။ ဒီလိုထူးခြားတဲ့ စမတ်ရှပ်မျိုးကို တီထွင်ထုတ်လုပ်နိုင်မှု
လွန်ခဲ့တဲ့ ၇ နှစ်နီးပါးကာလကစပြီး အယူအဆသစ်တွေနဲ့ နည်းပညာရပ်ဖြစ်ထွန်းဖို့ အစပြုခဲ့ရတယ်။ ၂၀၁၁ ခုနှစ် စတင်းဖို့ တက္ကသိုလ်က ပညာရှင်များအဖွဲ့က ဖြန့်ထားလို့ရတဲ့ နေရောင်ခြည်သုံးဓါတ်ခဲကို တီထွင်နိုင်ရာကစခဲ့တယ်လို့လည်း ပြောနိုင်ပါတယ်။ တစ်နည်းအားဖြင့် Stretchable solar cell ကို electronic skin ကို ပါဝါပေးနိုင်စေဖို့ အသုံးပြုခွင့်ရကြတယ်။ Electronic skin ကိုတော့ ၂၀၁၂ ခုနှစ် နိုဝင်ဘာလမှာ အကြမ်းထည်ပုံစံနဲ့ တွေ့မြင်ခွင့်ရလာကြတယ်။ ဖလင်ပြားလို ပါးလွှာတဲ့ပေါ်လီယက်စတာ အထည်ပေါ်မှာ sensors လေးတွေ မြှုပ်နှံဖန်တီးယူတဲ့ သဘောဖြစ်တယ်။ Sticker tattoos ပုံစံနဲ့ အလားသဏ္ဍန်တူတယ်။ ဘက်ထရီပါဝါနဲ့ ၂၄ နာ
ရီသာအသုံးပြုနိုင်တဲ့ အခြေအနေရှိတယ်။ ဒီအတွက် ပါဝါရရှိရေးကိစ္စအတွက် တီထွင်မှုတွေ လုပ်နိုင်စေဖို့ လေတပ်သုတေသနဌာနနဲ့ အမေရိကန် စွမ်းအင်ဌာနတို့ ပူးပေါင်းပါဝင် အားဖြည့်တီထွင်ကြရတယ်။ ၂၀၁၃ ခုနှစ်မှာ ဘာကလေတက္ကသိုလ်သုတေသနအဖွဲ့က စီမီးကွန်ဒပ်တာတွေ၊ ကာဘွန်နာနီပြွန်တွေ၊ ဓာတ်လုံးငွေပြားတွေနဲ့အတူ အီလက်ထရွန်နစ် အရေပြားကို ဖန်တီးယူကြပြန်တယ်။ တစ်ချိန်တည်းမှာပင် ဂျပန်နိုင်ငံ တိုကျိုတက္ကသိုလ်ရဲ့ အဖွဲ့ကလည်း အကောင်းဆုံး electronic Skin ဖန်တီးနိုင်ဖို့ကြိုးစားရင်း Xenoma e-Skin ဖြစ်ပေါ်လာရကြောင်း တင်ပြလိုက်ရပါတယ်။

-ဦးသောင်း​ဝင်း (ပန်းချယ်ရီ)