Windows 10 S နဲ့သုံးနိုင်မယ့် Surface Laptop ဓာတ်ပုံများ ပေါက်ကြားထွက်ပေါ်လာ

New York City မှာကျင်းပမယ့် ပွဲမတိုင်မီ Microsoft ရဲ့ Surface Laptop ဓာတ်ပုံများ ပေါက်ကြားထွက်ပေါ် လာခဲ့ပါတယ်။

ဒီဓာတ်ပုံတွေကို Twitter သုံးစွဲသူ WalkingCat က ဝေမျှခဲ့တာဖြစ်ပါတယ်။ ဒါ့အပြင် Surface Laptop မှာ ၁၃.၅ လက်မ PixelSense display ပါဝင်ပြီး platinum, burgundy, cobalt blue, graphit gold စတဲ့ အရောင်လေးမျိုးနဲ့ ရရှိမှာဖြစ်တယ်လို့ WalkingCat က ဖော်ပြခဲ့ပါတယ်။

Microsoft ရဲ့ laptop မှာ alcantara ကီးဘုတ်ပါဝင်တယ်လို့ ဆိုပါတယ်။ ဒါပေမဲ့ Surface Laptop မှာ အသုံးပြုထားတဲ့ processor နဲ့ အခြား hardware တွေကိုတော့ မသိရသေးပါဘူး။ ဓာတ်ပုံတွေအရတော့ laptop မှာ သာမန် USB port တစ်ခုအပြင် mini Display Port နဲ့ Surface power connector တို့ပါဝင်တာကို တွေ့ရမှာ ဖြစ်ပါတယ်။

Surface Laptop ရဲ့အလေးချိန်က ၂.၇၆ ပေါင်ပါ။ ကျောဘက်အထူက ၁၄.၄၇ မီလီမီတာဖြစ်ပြီး အရှေ့ဘက်အထူက ၉.၉ မီလီမီတာဖြစ်တယ်လို့ ဆိုပါတယ်။ Display အတွက် ကုမ္ပဏီက 1080p panel ကို အသုံးပြုထားဖွယ်ရှိတယ်လို့ ခန့်မှန်းထားပါတယ်။

ဆက်လက်ပြီး Surface Laptop မှာ Windows 10 S ကို အသုံးပြုထားတယ်လို့ WalkingCat က ဖော်ပြခဲ့ပါတယ်။ Windows 10 ဗားရှင်းသစ်ရဲ့ အသေးစိတ်ကိုတော့ Microsoft event မှာ ထုတ်ပြန်လိမ့်မယ်လို့ မျှော်လင့်ရပါတယ်။

Ref: TheVerge