April 24, 2017

တက္ကသိုလ်ကျောင်းသား၊ ကျောင်းသူတွေ နည်းပညာလေ့လာဖုိ့ တရုတ်နိုင်ငံ လေ့လာရေး အစီအစဉ်

တက္ကသိုလ်ကျောင်းသား၊ ကျောင်းသူတွေ နည်းပညာလေ့လာဖုိ့ တရုတ်နိုင်ငံ လေ့လာရေးအစီအစဉ် တစ်ရပ်ကို Huawei က အခုနှစ်ကနေ စတင်ပြုလုပ်လိုက်ပါတယ်။

သန်လျင်နည်းပညာတက္ကသိုလ်နဲ့ ကွန်ပျုတာတက္ကသိုလ်တို့ကနေ ကျောင်းသား၊ ကျောင်းသူ ၁၀ ဦး ကို ပထမအသုတ်အဖြစ် စတင် ပို့ဆောင်ပေးလိုက်ခြင်းဖြစ်ပြီး တရုတ်နိုင်ငံမှာ၂၀၁၇ ခုနှစ် ဧပြီလ ၇ ရက်မှ ၂၂ ရက်အထိ လေ့လာသင်ယူခြင်းတွေပြုလုပ်သွားမယ် လို့ဆိုပါတယ်။ “ကျွန်တော်တို့ Huawei ရုံးချုပ်မှာ အိုင်စီတီနည်းပညာကို ထဲထဲဝင်ဝင်လေ့လာရန် အလားအလာမြင့်မားတဲ့ ကျောင်းသားများနဲ့ အစိုးရ တာဝန်ရှိသူများကို ယခုနှစ်မှစတင်ကာ ရွေးချယ်သွားမှာဖြစ်ပါတယ်” လို့ Huawei Myanmar ရဲ့ စီအီးအို (အမှုဆောင်အရာရှိချုပ်) မစ္စတာ ကျန်းလီမန်းက ပြောပါတယ်။ အဲဒီအစီအစဉ်ဟာ “အနာဂတ်၏ မျိုးဆက်သစ်များ” (Seeds for the future) ဖြစ်ပြီး Huawei ရဲ့ CSR အစီ အစဉ်တစ်ခုဖြစ်တယ်လို့သိရပါတယ်။