April 23, 2017

အီရတ်မှ ဟက်ကာတစ်ဦးက ဒေါ်နယ်ထရမ့်၏ ကိုယ်ပိုင် ဝက်ဘ်ဆိုက်ကို တိုက်ခိုက်ခဲ့

အမေရိကန်သမ္မတ ဒေါ်နယ်ထရမ့်၏ ရွေးကောက်ပွဲကာလ လှုံ့ဆော်ရေး ဝက်ဘ်ဆိုက် donaldjtrump.com တိုက်ခိုက်ခံခဲ့ရသည်။ ဝက်ဘ်ဆိုက်၏ ပုံကိုပြောင်းလဲပြီး အီရတ်မှဖြစ်ကြောင်း တိုက်ခိုက်သူက အမှာစကားများ ရေးသားထားခဲ့သည်။

အဆိုပါ secure2.donaldjtrump.com ဝက်ဘ်ဆိုက်တွင် ဦးထုပ်ပျော့ ဆောင်းထားသော လူတစ်ဦး ဓာတ်ပုံနှင့်အတူ စာသားများကို Ars Technica ကတွေ့ရှိပြီး ကနဦးဖော်ပြ ခဲ့သည်။ တိုက်ခိုက်မှု ဖြစ်ပေါ်ပြီး နောက်တွင် ဝက်ဘ်ဆိုက်မှာ offline ဖြစ်ပြီး ဆိုက်၏ homepage နှင့် ချိတ်ဆက်ထားပုံ မရပေ။ အခြား secure.donaldjtrump.com မှာလည်း စည်းရုံး လှုံ့ဆော်မှုများတွင် လုံခြုံစွာ ပူးပေါင်းဆောင်ရွက်နိုင်ရန် အသုံးပြုသည်။ သို့သော်လည်း ၎င်းမှာ secure2 ဆာဗာနှင့် ချိတ်ဆက်ထားခြင်း မရှိပေ။

ထရမ့်ဝက်ဘ်ဆိုက်ကို တိုက်ခိုက်သူ ‘Pro_Mast3r’ မှာ မည်သူဖြစ်ကြောင်း မသိရှိရသေးသလို တိုက်ခိုက်မှု နောက်ကွယ်တွင် မည်သူရှိကြောင်းနှင့် မည်သည့် ရည်ရွယ်ချက်ဖြင့် တိုက်ခိုက်ကြောင်းကိုလည်း မသိရှိရသေးပေ။

Ref: TheNextWeb