September 19, 2017

လှုပ်လှုပ်ရွရွ ဖြစ်လာကြတဲ့ စူပါကွန်ပျူတာ လောက

tianhe-1a.jpg

စွမ်းဆောင်ရည် အလွန်တရာမြင့်မားပြီး လုပ်ငန်းဆောင်တာ မြောက်မြားစွာကို ကိုင်တွယ်ဖြေရှင်း ပေးနိုင်ကြတဲ့ စူပါကွန်ပျူတာကြီးတွေ အများအပြား ရှိကြတယ်။ ထိပ်တန်းစာရင်းဝင် ၅၀၀  လောက် ကို တစ်နှစ်လျှင်နှစ်ကြိမ် စစ်တမ်းကောက်ယူရင်း အဆင့်များ ခွဲခြားသတ်မှတ်လေ့ ရှိတယ်။ Bench mark List အရ တရုတ်နိုင်ငံရှိ Tianhe-2 စူပါကွန်ပျူတာကြီးကို နံပါတ် (၁) အဆင့်အဖြစ် တွေ့မြင်နေရဆဲ ဖြစ်တယ်။ Tianhe-2 စူပါကွန်ပျူတာကြီးရဲ့ စွမ်းဆောင်ရည် နှုန်းထားက 33.86 petaflops ရှိတယ်။ တစ်စက္ကန့်အတွင်း တွက်ချက်မှု လုပ်ငန်းရပ်ပေါင်း ၃၃.၈၆ ကွာဒရီလီယံ လုပ်နိုင်တယ်လို့ ဆိုလိုတာ ဖြစ်တယ်။ တစ်ကွာဒရီလီယံ ဆိုတာ ၁ ဂဏန်းရဲ့ နောက်မှာ သုညအလုံးရေ ၁၅ လုံး ပါဝင်တဲ့ အရေအတွက်လို့ နားလည်နိုင်ပါ တယ်။ တရုတ်နိုင်ငံရှိ အိုင်တီကုမ္ပဏီ ကြီးဖြစ်တဲ့ Inspur နဲ့ တရုတ်နိုင်ငံရဲ့ အမျိုးသား စစ်တက္ကသိုလ်မှာ အသုံးပြုတဲ့ စူပါကွန်ပျူတာကြီး ဖြစ်တယ်။ Intel Processor များကို အသုံးပြုထားတယ်။ ဒါပေမဲ့ တရုတ်နိုင်ငံ အနေနဲ့ ကိုယ်ပိုင်တီထွင် ဖန်တီးထားတဲ့ Chips ကို အသုံးချပြီး ဒီထက်ပိုကြီးတဲ့ စူပါကွန်ပျူတာကို တည်ဆောက်နိုင်ဖို့ ကြိုးစားနေတယ်။

မကြာသေးခင်ကတော့ Intel နဲ့ Nvidia ကုမ္ပဏီများ အနေနဲ့ တရုတ်စူပါ ကွန်ပျူတာ စင်တာများကို chips တွေမရောင်းချဖို့ ပိတ်ပင်ခြင်း ခံရတယ်။ အမေရိကန် နိုင်ငံအစိုးရအနေနဲ့ ဒီစူပါ ကွန်ပျူတာ ကြီးတွေနဲ့ nuclear explosive Activities များကို အသုံးပြုလိမ့်မယ်လို့ သံသယမြင်ခဲ့လို့ပင် ဖြစ်တယ်။ တရုတ်နိုင်ငံရဲ့ Tian He-1A နဲ့ Tian HE-2 စူပါကွန်ပျူတာ နှစ်ခုစလုံးမှာ Intel ရဲ့ Xeon Processor တွေနဲ့ Nvidia ရဲ့ Chips  တွေကို အသုံးချ တည်ဆောက် ထားကြတယ်။ တရုတ်နိုင်ငံရဲ့ TianHe-1 A ကွန်ပျူတာကြီးက ၂၀၁၀ ခုနှစ်မှာ တည်ဆောက် ပြီးစီးခဲ့ပြီး 2.566 Petaflops နဲ့ လုပ်ကိုင်နိုင်တဲ့ အတွက် အဆင့် (၁) ဖြစ်ခဲ့သလို ၂၀၁၃ ခုနှစ်မှာ TianHe-2 တည်ဆောက် ပြီးစီးတဲ့အခါ အမြန်နှုန်းအား 33.86 Petaflops ရရှိတဲ့အတွက် အဆင့် (၁) ဖြစ်လာတယ်။ ၂၀၀၉ ခုနှစ်အထိ အမေရိကန်နိုင်ငံက စူပါကွန်ပျူတာကြီးများက နံပါတ် (၁) နေရာကို ယူထားခဲ့တယ်။ ၂၀၀၉ ခုနှစ်မှာ အမေရိကန်နိုင်ငံရဲ့ Cray Jaguar (1.759 Petaflops) ၂၀၁၀ ခုနှစ် တရုတ်နိုင်ငံရဲ့ Tian He-1A (2.566 Petaflops) ၂၀၁၁ ခုနှစ် ဂျပန်နိုင်ငံရဲ့ Fujitsu K Computer (10.51 Petaflops) ၂၀၁၁ ခုနှစ် ဂျပန်နိုင်ငံရဲ့ Fujitsu  K Computer (10.51 Petaflops) ၂၀၁၂ ခုနှစ် အမေရိကန်နိုင်ငံရဲ့ IBM Sequoia (17.17 petaflops) Cray Titan (17.59 petaflops) အသီးသီးနံပါတ် (၁) နေရာမှာ စံချိန်တင် နေရာယူလာတာ ဖြစ်တယ်။

စူပါကွန်ပျူတာရဲ့ သမိုင်းကြောင်းကို ကြည့်မယ်ဆိုရင် ၁၉၆၀ ခုနှစ်များဆီက စပြီး ကြည့်ကြရမှာ ဖြစ်တယ်။ မန်ချက်စတာ တက္ကသိုလ်မှာ ရှိတဲ့ Atlas ကစခဲ့တယ်။ Seymour Cray  က ဒီဇိုင်းလုပ်ပြီး Control Data Corporation (CDC) စူပါ ကွန်ပျူတာ စီးရီးကို အစချီလာတာလို့ အတိအကျ ပြောနိုင်တယ်။ ဒီအချိန်က စူပါကွန်ပျူတာတွေရဲ့ အမြန်နှုန်းများကို ဖွင့်ဆိုရာမှာ Megaflops နဲ့သာ ဖော်ပြခဲ့ပြီး ၁၉၈၀ ခုနှစ် ရောက်တဲ့အခါ Gigaflops ဆိုတဲ့ နှုန်းထားနဲ့ ဖော်ပြရတဲ့ ကွန်ပျူတာကြီးတွေ ရှိလာတယ်။ ၁၉၉၀ ခုနှစ် များဆီက စူပါကွန်ပျူတာ တွေကတော့  teraflop နဲ့ ပြဆိုကြတယ်။

ဒီနေ့ခေတ် စူပါကွန်ပျူတာတွေကို Petaflop နဲ့ ပြဆိုမှုနဲ့ ပတ်သက်ပြီး နှိုင်းယှဉ်ကြည့်နိုင်တယ်။

၂၀၁၅ ခုနှစ် ဧပြီလက အမေရိကန်နိုင်ငံ စွမ်းအင်ဌာနကြီးက Argonne National Laboratory မှာ နံပါတ် (၁) အဆင့်ကို ရရှိစေမယ့် အလွန်ထူးခြားတဲ့ စူပါကွန်ပျူတာသစ်ကြီး တည်ဆောက်မှု အတွက် ဒေါ်လာငွေသန်း ၂၀၀ ခွင့်ပြုလိုက်တဲ့အကြောင်း ကြေညာလိုက်တာကြောင့် စူပါကွန်ပျူတာ လောက ထူးထူးခြားခြား လှုပ်လှုပ်ရွရွ ဖြစ်သွားကြတယ်။ ဒီလိုတည်ဆောက် ထားရှိမယ့် စူပါကွန်ပျူတာကြီးရဲ့ အမည်က Aurora ဖြစ်ပြီး ၂၀၁၈ ခုနှစ်မှာ  Argonne Leadership Computing Facility အဖြစ် စတင်အသုံးပြု နိုင်လိမ့်မယ်လို့ ခန့်မှန်းတွက်ချက် ထားတယ်။ Aurora  ရဲ့ စွမ်းဆောင်ရည်က 180 petaflops ရှိစေရမယ်လို့  အာမခံပြီး Cray ကပင် တည်ဆောက်ပေးတယ်။

Intel ရဲ့ HPC  (High Performance Computing) စကေးရှိတဲ့ စနစ်ကြီးကို အသုံးချ စေလိမ့်မယ်။ Knight Hill လို့ အမည်ပေးထားတဲ့ မျိုးဆက်သစ် Xeon Phi Processor တို့ Omni-Path Fabric Interconnect  တို့ ပါဝင်ထားတဲ့အတွက် ဆိုညွှန်းထားသော စွမ်းဆောင်ရည်နဲ့ ပတ်သက်ပြီး သံသယဖြစ်ဖွယ်ရာ အရှင်းမရှိပေ။

Intel ရဲ့ အဆိုအရ အမြင့်ဆုံး အသုံးချမယ့် ပါဝါသုံးစွဲမှုက 13 megawatt ဖြစ်လာတဲ့အတွက် အရင်လုပ်ကိုင်နေကျ စူပါကွန်ပျူတာ တွေထက် ၁၈ ဆပိုပြီး မြင့်မားနေတာ တွေ့ရတယ်။ Aurora အနေနဲ့ nodes အရေအတွက်ပေါင်း ၅၀,၀၀၀ နဲ့ ဖြန့်ကြက် အလုပ်လုပ် ပေးလိမ့်မယ်။ စူပါကွန်ပျူတာ ပလက်ဖောင်း မျိုးဆက်သစ် Cray Shasta နဲ့ ရပ်တည်ယူမှာ ဖြစ်တယ်။ Burst buffer storage အနေနဲ့ ဒုတိယမျိုးဆက် Intel Omni-Path Architecture ဖြစ်တဲ့ Intel SSDs များကို အသုံးချ စေတယ်။ ဂရပ်ဖစ်များအတွက် Nvidia Volta GPUs များကို အသုံးပြုမှာ ဖြစ်တယ်။

Aurora ကြေညာချက်ကြောင့် IBM ကုမ္ပဏီ အပါအဝင် စူပါကွန်ပျူတာ တည်ထောင်တဲ့ နယ်ပယ်ကို လှုံ့ဆော်လိုက်သလို ဖြစ်သွားရင်း  အဆင့်မြှင့်တင် ယူကြမယ့် စူပါကွန်ပျူတာ စာရင်းများ ထွက်ပေါ်လာတယ်။ တချို့စာရင်းတွေက ကောလာဟလလို ဖြစ်နေပေမယ့်၊ အများစုက အမှန်တကယ်တည် ဆောက်ယူကြမှာ ဖြစ်တယ်။ တရုတ်နိုင်ငံက စီးပွားရေး ဌာနကြီးကလည်း 54 petaflops အရည်အချင်းရှိတဲ့ စူပါကွန်ပျူတာ တည်ဆောက်မှု စီစဉ်နေကြောင်း သတင်းထွက် ပေါ်လာတယ်။ Nvidia ကုမ္ပဏီကြီးကလည်း နောင်အခါ တည်ဆောက်မယ့် စူပါကွန်ပျူတာတွေ အတွက် NV Link GPU Speed Interconnect နည်းပညာကို အသုံးပြုနိုင် စေရမယ်လို့ မကြာသေးခင်က ကြေညာသွားခဲ့တယ်။ အမေရိကန်နိုင်ငံရဲ့ စွမ်းအင်ဌာနကြီး (DoE) ကလည်း နောက်ထပ်ဒေါ် လာငွေ  ၃၂၅ သန်းကို IBM နဲ့ Nvidia တွေအတွက် ထုတ်ပေးမယ့်အကြောင်း ကြေညာခဲ့ပြန်တယ်။ DoE ရဲ့ အဆိုအရ ၂၀၁၇ အလွန်မှာ 150-300 Petaflops အရည်အသွေးရှိတဲ့ စူပါကွန်ပျူတာကြီးတွေ  အမေရိကန် နိုင်ငံအတွက် ရှိနေစေရမယ် ဆိုတာကို သိကြရတယ်။ ဘယ်နိုင်ငံက စူပါကွန်ပျူတာကြီးက နံပါတ် (၁) နေရာကိုယူယူ ဒီလိုစူပါကွန်ပျူတာများ တည်ဆောက်နိုင်မှုက လောကသားတွေကို များစွာအကျိုးပြု စေမှာဖြစ်တဲ့အတွက် ဘယ်လိုတိုးတက်မှု မျိုးကိုမဆို ကြိုဆိုရမှာ ဖြစ်ပါကြောင်း တင်ပြလိုက် ရပါတယ်။