၂၀၂၅ ခုနှစ်မှာ ပျောက်ကွယ်သွားနိုင်တဲ့ နည်းပညာထုတ်ကုန် (၁၁) ခု

နည်းပညာကမ္ဘာမှာ အတည်မြဲဆုံး အရာကတော့ ပြောင်းလဲမှုပါ။ ကျွန်တော်တို့ လူသားတွေရဲ့ လက်ရှိနေထိုင်မှု စံနှုန်းကိုထိန်းသိမ်းဖို့ အရေးပါခဲ့တဲ့ နည်းပညာ ထုတ်ကုန်တွေလည်း အပြောင်းအလဲဒဏ်ကို ခံစားရပါတယ်။

၂၀၂၅ ခုနှစ် အရောက်မှာတော့ အရေးပါတဲ့ အခန်းကဏ္ဍကနေ ပျောက်ကွယ်သွားဖွယ်နိုင်တဲ့ နည်းပညာ ထုတ်ကုန်တွေက အောက်ပါအတိုင်း ဖြစ်ပါတယ်။

(၁) LCD တီဗီများ

လွန်ခဲ့တဲ့ဆယ်နှစ်ခန့်က liquid crystal display (LCD) ဟာ ပါးလွှာပြီး စွမ်းအင်သက်သာတာကြောင့် ကမ္ဘာတစ်ဝန်းမှာ အလွန်ခေတ်စားခဲ့ပါတယ်။ အဲဒီအချိန်ကတည်းက LCD တီဗီတွေ တစ်စတစ်စ တိုးတက်လာပြီး ပိုမိုပါးလွှာကာ အရောင်အသွေး ပိုတောက်ပလာပါတယ်။ ဈေးလည်း သက်သာလာပါတယ်။ LG လိုမျိုး ကုမ္ပဏီက အခုအခါမှာ Organic light emitting diode (OLED) တီဗီတွေ အရှိန်မြှင့်ထုတ်လုပ်လာပါတယ်။

OLED တီဗီတွေက ကိုယ်ပိုင်အလင်း ထုတ်လွှင့်ပြီး နောက်ခံအလင်း မလိုအပ်ပါဘူး။ ဒါ့အပြင် စွမ်းအင် အလွန်အမင်းသက်သာပြီး LCD တီဗီထက် ရုပ်ထွက်အရည်အသွေး ကောင်းမွန်ပါတယ်။ စက္ကူလိုမျိုး ပါးလွှာအောင် ပြုလုပ်နိုင်ပြီး ပျော့ပျောင်းသလို တစ်ဖက်နဲ့ တစ်ဖက်ကို ဖောက်ထွင်းမြင်နိုင်ပါတယ်။ စက္ကူလိုမျိုး လိပ်နိုင်ပါတယ်။ W-series တီဗီများမှာ တစ်လက်မရဲ့ ဆယ်ပုံတစ်ပုံသာ ထူတယ်လို့ LG အတည်ပြုခဲ့ပါတယ်။ အဲဒီတီဗီတွေကို နံရံမှာ သံလိုက် bracket တွေနဲ့ ချိတ်ထားနိုင်ပါတယ်။ ယခုနှစ် နှောင်းပိုင်းမှာ ရောင်းချမယ်လို့ သိရပါတယ်။

(၂) LED မီးသီးများ

သမားရိုးကျ LED မီးသီးတွေဟာ အရင်ထုတ်ကုန်တွေလိုပဲ နောက်ဆုံးမှာ အလွန်အမင်း ဈေးသက်သာလာတယ်။ မီးသီးထုတ်လုပ်တဲ့ လုပ်ငန်းက အဲဒီလုပ်ငန်းစဉ်ကို အလျင်ပြတ်စေဖို့ OLED နည်းပညာကို သုံးလာဖို့ ရှိပါတယ်။ OLED ဟာ အလင်းကို လှပစွာ ထုတ်လွှတ်ပေးသလို စွမ်းအင်လည်း သက်သာစေပါတယ်။ OLED တီဗီလိုပဲ OLED မီးသီးတွေဟာ ပါးလွှာပြီး ပုံသဏ္ဍာန်ကွေးတွေနဲ့ ပြုလုပ်နိုင်ပါတယ်။

Philips နဲ့ ဂျာမနီကုမ္ပဏီ OSRAM တို့ဟာ ယနေ့ခေတ် LED မီးသီးတွေနဲ့ ယှဉ်ပြိုင်နိုင်ဖို့ OLED မီးသီးရဲ့ ဈေးနှုန်းနဲ့ စွမ်းအင် အသုံးပြုမှုတို့ကို တိုးတက်အောင် ပြုလုပ်နိုင်ခဲ့ပါတယ်။ OLED မီးတွေဟာ အစောပိုင်းအဆင့်မှာပဲ ရှိပါသေးတယ်။ အခုအရှိန်အတိုင်း ဆက်လက်တိုးတက်လုပ်ကိုင်သွားရင် လာမယ့်နှစ်တွေမှာ ဈေးကွက်ပေါ်ရောက်လာနိုင်ပါတယ်။

(၃) အချက်အလက်များ သိမ်းဆည်းပေးနိုင်တဲ့ ထုတ်ကုန်များ

စီဒီနဲ့ ဒီဗီဒီလိုမျိုး optical storage media တွေဟာ အလျင်အမြန်ပဲ ပျောက်ကွယ်နေပါပြီ။ ဒီနေ့ခေတ်မှာ လူတော်တော်များက USB flash drive တွေနဲ့ external hard drive တွေလိုအရာတွေနဲ့ ဖိုင်အကြီးစားတွေ လွှဲပြောင်းရတာကို ပိုနှစ်သက်ကြပါတယ်။ ဒါပေမဲ့လည်း အချက်အလက်သိမ်းဆည်းပေးတဲ့ ထုတ်ကုန်တွေဟာ တစ်ချိန်ချိန်မှာ ပျောက်ကွယ်သွားနိုင်ပြီး cloud storage ဝန်ဆောင်မှုတွေကို ပိုမိုသုံးစွဲလာနိုင်ပါတယ်။

သုံးစွဲသူ တစ်ဦးအနေနဲ့ နေအိမ်မှာ Wi-Fi ဒါမှမဟုတ် စမတ်ဖုန်းကနေတစ်ဆင့် LTE ချိတ်ဆက်တဲ့ အခါတိုင်း ဖိုင်အရွယ်အစားတွေနဲ့အတူ အင်တာနက်မြန်နှုန်းတွေလည်း တိုးတက်လာပါတယ်။ Box, Amazon နဲ့ Google တို့လို ကုမ္ပဏီတွေက ဈေးသက်သာတဲ့ cloud အခြေခံဝန်ဆောင်မှုတွေ ရောင်းချပေးနေပါတယ်။

(၄) ဂိမ်းစက်များ

Xbox One ဒါမှမဟုတ် PlayStation 4 ဂိမ်းစက်တွေ ပျောက်ကွယ်သွားနိုင်ပါတယ်။ NVIDIA က လာမယ့်နှစ်အနည်းငယ်အတွင်း ဂိမ်းစက်မလိုတဲ့ cloud အခြေခံဂိမ်းတွေကို ဖန်တီးနေပါတယ်။ NVIDIA ရဲ့ GeForce Now ဂိမ်းဝန်ဆောင်မှုဟာ ရုပ်ထွက် အရည်အသွေး 1080 ကို 60 fps နဲ့ AAA ဂိမ်း ၁၀၀ ကျော်ကို ချက်ချင်းကစားနိုင်ပါတယ်။ ဒါ့အပြင် ဂိမ်းတွေကို update နဲ့ download ပြုလုပ်ဖို့ မလိုပါဘူး။ အဲဒီဂိမ်းတွေက NVIDIA ရဲ့ကိုယ်ပိုင်ဆာဗာတွေမှာရှိပြီး Kepler အခြေခံ GPU ထောက်ပံ့ထားသလို Tegra ပရိုဆက်ဆာတွေ အသုံးပြုထားတယ်လို့ သိရပါတယ်။ NVIDIA က hardware ထုတ်ကုန်သစ်ဝယ်ယူပြီး ကစားရတဲ့ ဂိမ်းစက်ထက် နောက်ဆုံးပေါ် ဂိမ်းနည်းပညာကို မိတ်ဆက်ဖို့ ကြိုးစားနေပါတယ်။

(၅) ကားတွင်အသုံးပြုသော မှန်အမျိုးမျိုး

ကားမှာအသုံးပြုတဲ့ မှန်တွေကို နည်းပညာထုတ်ကုန်အဖြစ် လူတွေမသတ်မှတ်ကြပါဘူး။ ဒါပေမဲ့ Gentex လို ကုမ္ပဏီမျိုးက ထုတ်တဲ့ နောက်ကြည့်မှန်ဟာ တခြားကားက ထိုးလာတဲ့မီးရောင်ကို တစ်ဖက်ကားမောင်းသူ မျက်စိမစူးစေအောင် ကာကွယ်ပေးနိုင်ပါတယ်။ ဒါ့အပြင် Gentex ဟာ full-display အပြည့်ပါတဲ့ ကားနောက်ကြည့်မှန် ထုတ်ကုန်ကို ထုတ်လုပ်ဖို့ ကြိုးစားနေပါတယ်။ နောက်ကြည့်မှန်တွေကို မူရင်းကားကုမ္ပဏီ ၅ ခုမှာ ထောက်ပံ့ဖို့ရှိတယ်လို့ သိရပါတယ်။ အမေရိကန်သယ်ယူ ပို့ဆောင်ရေးဌာနက ၂၀၁၈ ခုနှစ် မေလမှာ ထုတ်လုပ်မယ့် ကားသစ်တွေမှာ ကင်မရာအပိုတွေထည့်သွင်းဖို့လိုတယ်ဆိုတဲ့ စည်းမျဉ်းကို ပြီးခဲ့တဲ့နှစ်မှာ ထည့်သွင်းခဲ့ပါတယ်။ အဲဒီစည်းမျဉ်းမှာ အလိုအလျောက်ကားတွေလည်း အကျုံးဝင်ပါတယ်။ အနာဂတ်မှာ ယနေ့ခေတ်မှာ အသုံးပြုနေတဲ့ နည်းပညာနိမ့်နောက်ကြည့်မှန်တွေ ပျောက်ကွယ်သွားဖို့ ရှိပါတယ်။

(၆) ဖုန်းအားသွင်း charger များ

Samsung ဟာ ကုမ္ပဏီထုတ် နောက်ဆုံးပေါ် စမတ်ဖုန်းတွေမှာ ကြိုးမဲ့အားသွင်းစနစ် ထည့်သွင်းထားပါတယ်။ ဖုန်းတွေကို pad ပေါ်တင်ပြီး အားသွင်းနိုင်တဲ့ နည်းပညာတစ်မျိုးပါ။ အဲဒီစနစ်မှာ ပလပ်တွေ ဒါမှမဟုတ် adapter တွေမလိုပါဘူး။ ယခုနှစ်နှောင်းပိုင်းမှာ ထွက်ရှိမယ့် Apple ရဲ့အထင်ကရဖုန်းမှာလည်း ကြိုးမဲ့အားသွင်းစနစ် ပါဝင်ဖွယ်ရှိပါတယ်။ လာမယ့်နှစ် အနည်းငယ်အတွင်း ကြိုးမဲ့အားသွင်းစနစ်ကို အခြားစမတ်ဖုန်း ထုတ်လုပ်သူတွေလည်း ကျယ်ကျယ်ပြန့်ပြန့်အသုံးပြုလာဖို့ ရှိပါတယ်။
သုတေသနအဖွဲ့တချို့ကလည်း Wi-Fi လှိုင်းတွေကတစ်ဆင့် စွမ်းအင်အနည်းငယ် ထုတ်လွှင့်ပြီး ထုတ်ကုန်အမျိုးမျိုး ထိတွေ့စရာမလိုဘဲ အဝေးကနေ အားသွင်းနိုင်မဲ့ နည်းလမ်းကို တွေ့ရှိထားပါတယ်။

(၇) အဝေးထိန်းခလုတ်များ

ယနေ့ခေတ်မှာ အဝေးထိန်း ခလုတ်တွေနေရာမှာ အသံနဲ့ စေခိုင်းနိုင်တဲ့ ထုတ်ကုန်တွေ အစားထိုး ဝင်ရောက်လာပါပြီ။ ဥပမာအနေနဲ့ Xbox One မှာ Kinect sensor နဲ့ချိတ်ဆက်ပြီး တီဗီ အသံအတိုးအကျယ်၊ လိုင်းအပြောင်းအလဲ၊ ဂိမ်းဖွင့်ခြင်း ဒါမှမဟုတ် ပါဝါအဖွင့်အပိတ်လုပ်ဖို့ စေခိုင်းနိုင်ပါတယ်။ Amazon.com ရဲ့ Amazon Echo ထုတ်ကုန်ဟာ ၂၀၁၆ ခုနှစ်ရဲ့ ရောင်းအားအကောင်းဆုံး ထုတ်ကုန်ဖြစ်တဲ့အတွက် အံ့သြစရာ သိပ်မရှိပါဘူး။ ကိုင်တွယ်ထိန်းချုပ်စရာမလိုဘဲ အသံနဲ့စေခိုင်းနိုင်တဲ့ထုတ်ကုန်တွေကို အသုံးပြုပြီး ပီဇာမှာတာက အစ သီချင်းနားထောင်တာ၊ Uber တက္ကစီငှားတာ၊ စမတ်အိမ်သုံး ထုတ်ကုန်တွေ ထိန်းချုပ်တာနဲ့ Amazon က ပစ္စည်းဝယ်တာအထိ အသုံးပြုနိုင်ပါတယ်။

(၈) အကြွေးဝယ်ကတ်များ

အမေရိကန်က စားသုံးသူ ၈၀ ရာခိုင်နှုန်းကျော်က ငွေကြေးကို ကိုင်တွယ်မသုံးစွဲတော့ဘူးလို့ Bloomberg က ဖော်ပြခဲ့ဖူးပါတယ်။ PayPal နဲ့ Apple Pay တို့လိုဝန်ဆောင်မှုတွေကြောင့် ငွေကြေးကိုင်တွယ်သုံးစရာမလိုဘဲ ငွေပေးချေမှုတွေ လုပ်နိုင်တာပါ။ နောက်ပိုင်းမှာ အကြွေးဝယ်ကတ်တွေတောင် မလိုတော့ပါဘူး။ အိန္ဒိယလို နိုင်ငံတွေမှာ ငွေကြေးကိုင်တွယ် သုံးစွဲမှု လျော့ကျသွားပါပြီ။ စမတ်ဖုန်းထုတ်လုပ်မှု မြင့်မားလာတာနဲ့ ဒီဂျစ်တယ်ငွေပေးချေမှုဟာ တစ်ကမ္ဘာလုံး အတိုင်းအတာနဲ့ မြင့်တက်လာနေပါတယ်။

(၉) Password များ

ယနေ့ခေတ်စမတ်ဖုန်းနဲ့ laptop တွေမှာ ဂဏန်းအက္ခရာ ရိုက်ထည့်ရတဲ့ password တွေမှာ biometric sensor တွေနဲ့ အစားထိုး လာပါတယ်။ iPhone မှာ လက်ဗွေစနစ်ကို အသုံးပြုပြီး အကြွေးဝယ်ကတ် ကုမ္ပဏီရဲ့ app မှာ sign in ပြုလုပ်တာကနေ ဖုန်းဖွင့်ပြီး app store ကနေငွေကြေးထိန်းချုပ်ပြီး ဝယ်ယူမှုတွေ ပြုလုပ်နိုင်ပါတယ်။ အနာဂတ်မှာ facial recognition နည်းပညာကို ပိုအသုံးပြုဖို့ ရှိလာပါတယ်။

(၁၀) Media streaming ထုတ်ကုန်များ

Chromecast, Roku, Fire TV နဲ့ Apple TV လိုမျိုး media streaming ထုတ်ကုန်တွေဟာ ရေပန်းစားလာတာနဲ့အမျှ အသုံးတည့်မှုဟာ တဖြည်းဖြည်းပျောက်ကွယ် လာပါတယ်။ အဲဒီထုတ်ကုန်တွေရဲ့ အလားတူလုပ်ဆောင်ချက်တွေဟာ တီဗီ set သစ်တွေမှာ ပါဝင်မှု မြင့်တက်လာပါတယ်။ ပြီးခဲ့တဲ့နှစ်က တစ်ကမ္ဘာလုံးမှာ တင်ပို့ရောင်းချခဲ့တဲ့ တီဗီထက်ဝက်ကျော်က စမတ်တီဗီတွေ ဖြစ်တယ်လို့ IHS မှဖော်ပြ ထားပါတယ်။

(၁၁) လက်ကိုင်ဖုန်စုပ်စက်များ

သမားရိုးကျ ဖုန်စုပ်စက်တွေဟာ အရွယ်သေးငယ်တဲ့ စက်ရုပ်တွေကြောင့် အနာဂတ်မှာ ပျောက်ကွယ်နိုင်ပါတယ်။ ကမ္ဘာတစ်ဝန်း ဖုန်စုပ်စက်ရောင်းချမှုရဲ့ ၁၅ ရာခိုင်နှုန်းခန့်က စက်ရုပ် ဖုန်စုပ်စက်တွေ ရောင်းချထားရတယ်လို့ ၂၀၁၄ ခုနှစ်မှာ iRobot အမှုဆောင်အရာရှိ ကောလင်းအန်ဂယ်က အသိပေးခဲ့ပါတယ်။ စက်ရုပ်ဖုန်စုပ်စက်တွေဟာ လက်ကိုင်ဖုန်စုပ်စက်တွေနေရာ အစားထိုးဖို့ အကောင်းဆုံး ထုတ်ကုန်လို့ လူတွေက ပိုမိုသိမြင်လာနေကြပါပြီ။

စိုးထက်
Ref: Time