September 19, 2017

မြန်မာလူငယ်တွေအတွက် Telenor က စီမံကိန်းစီမံခန့်ခွဲမှုသင်တန်းဖွင့်မည်

မြန်မာလူငယ်တွေအတွက် Telenor က စီမံကိန်း စီမံခန့်ခွဲမှုသင်တန်း ဖွင့်မယ်လို့သိရပါတယ်။

Telenor Myanmar နဲ့ Network Activities Group (NAG)၊ အစိုးရရဲ့ ကျေးလက်ဒေသ ဖွံ့ဖြိုးတိုးတက်ရေး ဦးစီးဌာနတို့ ပူးပေါင်းဖွင့်လှစ်မှာလို့ သိရပါတယ်။ အပတ်စဉ် ၇ အဖြစ် ဖွင့်လှစ်မှာဖြစ်ပြီး စက်တင်ဘာ ၂၂ ရက်မှာ စတင်မယ်လို့ဆိုပါတယ်။

“အရည်အချင်းရှိတဲ့ လူငယ်တွေကို စီမံခန့်ခွဲမှုဆိုင်ရာ အရည်အသွေးတွေ တောက်ပြောင်လာအောင် သင်ကြားပေးတာဟာ သူတို့ရဲ့ လူမှုဝန်းကျင် ဖွံ့ဖြိုးတိုးတက်မှု လုပ်ငန်းတွေမှာ တက်တက်ကြွကြွ ပါဝင်နိုင်စေဖို့ ထိရောက်သေချာအကျိုးရှိတဲ့ နည်းလမ်းတစ်ခုဖြစ်ပါတယ်” လို့ တယ်လီနော မြန်မာရဲ့ ရေရှည်တည်တံ့သော လုပ်ငန်းဆောင်ရွက်မှု ဆိုင်ရာကဏ္ဍ တာဝန်ခံ ဦးမင်းသူက ပြောပါတယ်။

တစ်လတာ ကြာမြင့်မှာဖြစ်ပြီး သင်တန်းပြီးဆုံးလို့ရှိရင် ထူးချွန်သင်တန်းသားများအနေနဲ့ ခြောက်လကြာ အလုပ်သင် အစီအစဉ်မှာ ဆက်လက်ပါဝင်ခွင့် ရမယ်လို့သိရပါတယ်။ သင်တန်းကာလအတွင်း တက်ရောက်သူတွေကို ထောက်ပံ့ငွေ ပေးအပ်သွားမှာဖြစ်ပြီး ဘွဲ့ရပြီးသူအသက် ၂၀ မှ ၃၅ နှစ်ကြားလူငယ်များ တက်ရောက်နိုင်မှာဖြစ်ကြောင်း၊ သင်တန်းကြေးအနေနဲ့ တက်ရောက်သူတစ်ဦးကို တစ်သိန်းဖြစ်ပြီး တက်ရောက်သူတိုင်းအတွက် နေရာထိုင်ခင်းအခမဲ့၊ ပညာသင်ထောက်ပံ့ကြေး ငါးသောင်းကျပ်ကိုပေး သွားမယ်လို့ ဆိုပါတယ်။

စက်တင်ဘာ ၁၇ ရက်၊ ၂၀၁၇ ခုနှစ် နောက်ဆုံးထားပြီး [email protected] သို့ဖြစ်စေ၊ ဖုန်းနံပါတ် ၀၉-၉၆၆၅၅၄၈၂၄၊ ၀၉-၂၅၆၃၃၄၂၀၆ နဲ့ ၀၉၄၅၀၆၉၄၃၆၁~၆၅ သို့ဖြစ်စေ ဆက်သွယ်လျှောက်ထားနိုင်တယ်လို့ သိရပါတယ်။ သင်တန်းမှာ ဖွံ့ဖြိုးတိုးတက်မှုဆိုင်ရာ သီအိုရီနှင့် အယူအဆများ၊ စီမံကိန်းစီမံခန့်ခွဲမှု၊ ပတ်ဝန်းကျင်ထိန်းသိမ်း စောင့်ရှောက်မှုနှင့် စီမံခန့်ခွဲမှု၊ သဘာဝ သယံဇာတ ထိန်းသိမ်းစောင့်ရှောက်မှု၊ စီးပွားရေးအပေါ် သက်ရောက်သော နိုင်ငံရေးရာများကို ဆန်းစစ်လေ့လာမှု၊ အခြေခံလူမှု အဆောက်အအုံ  ဖွံ့ဖြိုးတိုးတက်မှု၊ သဘာဝဘေးအန္တရာယ် လျှော့ချမှုနှင့် ပြန်လည်နေရာချထားမှု ပါဝင်ဆောင်ရွက်နိုင်မည့်ပုံစံများ၊ ဆက်သွယ်ရေးဆိုင်ရာ ဖွံ့ဖြိုးတိုးတက်မှုနှင့် ဖွံ့ဖြိုးရေးတွင် လူအများလက်ခံ ပါဝင်လာစေခြင်းစတာတွေ ပါဝင်မယ်လို့ သိရပါတယ်။

-ထွန်းထွန်း