June 24, 2017

အွန်လိုင်းပေါ်မှာပျံ့နှံ့နေတဲ့ တက္ကသိုလ်ဝင်ခွင့်ရမှတ်သတ်မှတ်ချက်များ ယခုနှစ်အတွက်မဟုတ်

အွန်လိုင်းပေါ်မှာ ပျံ့နှံ့နေတဲ့ တက္ကသိုလ်ဝင်ခွင့် ရမှတ်သတ်မှတ်ချက်တွေဟာ ယခု ၂၀၁၇ ခုနှစ်အတွက် မဟုတ်ကြောင်း Ministry of Education, Myanmar စာမျက်နှာမှာ ထုတ်ပြန်ကြေညာထားပါတယ်။

” လက်ရှိကာလတွင် ၂၀၁၇ ခုနှစ်အတွက် တက္ကသိုလ်ဝင်ခွင့် လမ်းညွှန်ပင် မဖြန့်ဝေရသေးပါ။ တက္ကသိုလ်ဝင်ခွင့် လျှောက်လွှာများပင် မခေါ်ရသေးပါ။ တက္ကသိုလ်ဝင်ခွင့်ပင် စိစစ်ရွေးချယ်မှု မပြုလုပ်ရသေးပါ” ဟု စာမျက်နှာမှာရေးသားဖော်ပြထားပါတယ်။

တက္ကသိုလ်ဝင်ခွင့် လျှောက်ထားသော ကျောင်းသားတွေရဲ့ အမှတ်အနိမ့်အမြင့်အပေါ် မူတည်ကာ တက္ကသိုလ်ဝင်ခွင့် ရွေးချယ်ပြီးချိန်မှသာ အနိမ့်ဆုံးဝင်ခွင့်ပြုမယ့်ရမှတ်ကို ထုတ်ပြန်ခြင်းဖြစ်တယ်လို့ သိရပါတယ်။

-သန္တာ

//ambient pc code