September 26, 2017

အနာဂတ်ကမ္ဘာမြေကြီးကို လှမ်းမျှော်ကြည့်ခြင်း

သြစတြေးလျ တက္ကသိုလ်တစ်ခုမှ အနာဂတ်ဆိုင်ရာ တွေးခေါ်ပညာရှင်များအနေဖြင့် လာမည့် နှစ်ပေါင်း ၃၀ အကြာ ၂၀၄၅ ခုနှစ် ၌ ကျွန်ုပ်တို့ကမ္ဘာကြီးတွင် မည်ကဲ့သို့ဖြစ်ပျက် တည်ရှိနေကြမည်ကို ကြိုတင်ဟောကိန်း ထုတ်ခဲ့ကြပါသည်။ ဥပမာ အနေဖြင့် ကျွန်ုပ်တို့၏ ခရီးသွားလာမှုစနစ်၊ အလုပ်လုပ်ရမှု ပုံစံများမှသည် စကားပြောသော အဆောက်အဦများ၊ မောင်းသူမဲ့ ခရီးသည်တင် လေယာဉ်များ၊ မိမိဘာသာ ပြန်လည်ကောင်းမွန် စေရန်လုပ်ဆောင်မည့် (Self-healing) စနစ်များ၊ တကယ့်အစစ် အမှန်ကဲ့သို့ တွေ့မြင်နိုင်မည့် ပြတင်းပေါက်အတုများ အစရှိသည့် ဖြစ်တည်လာမည်ဟု ကြိုတင်ဟောပြော ခဲ့ကြပါသည်။

သို့သော် မည်မျှပင်ဖွံဖြိုး တိုးတက်လာစေမည်ဖြစ်ပေဦးတော့ လူ့အဖွဲ့အစည်းတွင် အလိုအလျောက် စနစ်များ အပြည့်အ၀ ဖြစ်ပေါ်လာမည်တော့ မဟုတ်ပေ။ ကျွမ်းကျင်ပညာရှင် တစ်ဦးကမူ ကျွန်ုပ်တို့အနေဖြင့် နည်းပညာကို မည်မျှပင် ပြီးပြည့်စုံအောင် အသုံးချနိုင်စွမ်း ရှိပါစေဦးတော့ ဘောပင်နှင့် စာရွက်များကိုတော့  အသုံးပြုနေရ ဦးမည်ဖြစ်သည်ဟု ဆိုပြန်ပါသည်။  ယခုကဲ့သို့ အနာဂတ် ၂၀၄၅ တွင် မည်ကဲ့သို့ ဖြစ်ပျက်နေမည်ကို ဟောကိန်း ထုတ်ခဲ့ကြသော ပညာရှင်များတွင် အသိဉာဏ်တုဆိုင်ရာ
ကျွမ်းကျင်ပညာရှင်များ၊ စက်ရုပ်တီထွင်သူ ပညာရှင်များနှင့် သြစတြေးလျ တက္ကသိုလ်မှ အနာဂတ်ဆိုင်ရာ ကျွမ်းကျင်ပညာရှင်များအပြင် ဗြိတိန်အခြေစိုက် Hewden ကုမ္ပဏီမှ ပညာရှင်များ ပါဝင်ခဲ့ကြသည်။

Hewden မှ အနာဂတ်ဆိုင်ရာ ကျွမ်းကျင်ပညာရှင် တစ်ဦးဖြစ်သူ ဒေါက်တာ Pearson က အဆောက်အဦများတွင် ပုဂ္ဂိုလ်ရေးဆိုင်ရာ အသိဉာဏ်အတုများ ပိုင်ဆိုင်လာမည်ဖြစ်ပြီး ၎င်းတို့အနေဖြင့် လူသားများနှင့် ဆက်သွယ်စကား ပြောဆိုနိုင်လိမ့်မည်ဟု ယုံကြည်နေပါသည်။ အိမ်နှင့် ရုံးခန်းများအနေဖြင့်လည်း မိမိတို့တွင် ပါရှိသော အာရုံခံစနစ်များမှတစ်ဆင့် အချက်အလက်များကို စုဆောင်းနေပြီး အပူလွန်ကဲခြင်း သို့မဟုတ် ပြုပြင်ရန် လိုအပ်သည့်အချိန်တွင် သတိပေးပြောကြားမည် ဖြစ်သည်။ ဟောကိန်းအရ အဆောက်အဦများတွင် လက်ကိုအသုံးပြုကာ အဖွင့်အပိတ် ပြုလုပ်ရသော မီးခလုတ်များ ပါဝင်လာတော့မည် မဟုတ်သလို အိမ်များတွင် တပ်ဆင်ထားသော ကွန်ရက်စနစ်များသည် လူသားတို့၏ အာရုံကြော စနစ်များနှင့်ပင် နှိုင်းယှဉ်ကြည့်နိုင် လိမ့်မည်ဖြစ်သည် ဟု Pearson ကဆိုသည်။

အဆောက်အဦများကို တည်ဆောက်ရာတွင် ဖောက်ထွင်းမြင် နိုင်မည့် ပလတ်စတစ် ကွန်ကရစ်တုံးများကို အသုံးပြုလာကြမည်
ဖြစ်သလို ၎င်းတို့ကို မိမိကိုယ်တိုင် ပြန်လည်ပြုပြင်နိုင်သော ပုံစံပြောင်းထားသည့် ဒြပ်ပစ္စည်းများကို အသုံးပြုလိမ့်မည် ဖြစ်သည်ဟု ဆိုသည်။ ထို့အပြင်တည်ဆောက်သူ အလုပ်သများအနေဖြင့် အလွန်သန်မာ တောင့်တင်းသော အပိုဝတ်စုံများကို အသုံးပြုလာမည်ဖြစ်ကာ လူတစ်ပိုင်း၊ စက်တစ်ပိုင်း အလုပ်သမားများ ဖြစ်လာလိမ့်မည်ဟုဟော ကိန်းထုတ်ထားကြပါသည်။ ဥပမာအနေဖြင့် စက်ရုပ်ခန္ဓာ ကိုယ်ထဲတွင် လူသားဝင်ရောက်ကာ အလုပ်လုပ်နေခြင်းကို ဂြိုဟ်သားဇာတ်ကားဖြစ်သော Sigourney Weaver တွင်လည်းကောင်း၊ အလွန်လူ ကြိုက်များခဲ့သော Avatar ဇာတ်ကားတွင်လည်းကောင်း တွေ့မြင်ကြည့်ရှု နိုင်မည်ဖြစ်သည်။

ဗိသုကာ ပညာရှင်များ အနေဖြင့်လည်း ကမ္ဘာ့အမြင့်ဆုံး အဆောက်အဦများ တည်ဆောက်ခြင်းကို အပြိုင်အဆိုင် ပြုလုပ်လာ လိမ့်မည်ဖြစ်ပြီး ၎င်းအဆောက်အဦများအတွက် တွန်းကန်မှု စနစ်သုံး သို့မဟုတ် ဆွဲငင်မှု စနစ်သုံးဆိုင်ရာ ဓာတ်လှေကား အမျိုးအစား အသစ်များလည်း လိုအပ်လာလိမ့်မည်ဟု ဒေါက်တာ Pearson က ဆိုပါသည်။ ထို့အပြင် မော်တော်ယာဉ်များ အနေဖြင့်လည်း အဆောက်အဦ အတွင်းဝယ် ဓာတ်လှေကား စနစ်ကဲ့သို့ပင် ဒေါင်လိုက်မောင်းနှင်နိုင်စွမ်း ရှိလာလိမ့်မည် ဖြစ်သည်။ ၎င်းစနစ်ကို ယခုအခါ ဂျာမဏီအင်ဂျင်နီယာ တစ်ဦးဖြစ်သူ Thyssen Krupp က လက်ရှိတွင် စမ်းသပ်လျက်ရှိပြီး ၎င်းစနစ်ကို Multi ဟု  အမည်ပေးထားပါသည်။

စနစ်တွင်သံလိုက်ဖြင့် ဓာတ်လှေကား အခန်းကို ဒေါင်လိုက်၊ သို့မဟုတ် အလျားလိုက် လျင်မြန်ချောမွေ့စွာဖြင့် ဆွဲငင်သွားမည် ဖြစ်ပါသည်။ လာမည့်နှစ်ရာစု၏ အလယ်ပိုင်းအချိန်တွင် အဆောက်အဦများသည် တစ်မိုင်နီးပါးခန့် ရှည်လျားနိုင်ပြီး အင်မတန်လည်း ကြီးမားနိုင်မည်ဖြစ်ကာ အဆောက်အဦ တစ်ခုတည်း၌ပင် မြို့ငယ်လေး တစ်မြို့ပမာ မိမိကိုယ်ပိုင် စည်းမျဉ်းဖြင့် ဖန်တီးနေထိုင်နိုင်မည် ဖြစ်သည်။

လက်ရှိတွင် ဒူဘိုင်းရှိ ကမ္ဘာ့အမြင့်ဆုံး အဆောက်အဦဖြစ်သော BurjKhalifa သည် ၂၇၂၂ ပေ မြင့်ပြီး ၈၂၉.၈ မီတာ သို့မဟုတ် မိုင်ဝက်ခန့် ရှိပါသည်။ ထိုကဲ့သို့ အဆောက်အဦများထက် ပိုမိုမြင့်မားသော အဆောက်အဦများကို တည်ဆောက်လာကြမည်ဖြစ်ပြီး တိမ်တိုက်များကိုပင် ထိုးဖောက်တည်ဆောက် ထားကြမည်ဖြစ်ခြင်းကြောင့် နေထိုင်သူများ အနေဖြင့် တိမ်တိုက်များကို မမြင်တွေ့လိုလျှင်လည်း မိမိနှစ်သက်သည့် မြင်ကွင်းများကို ရွေးချယ်ကြည့်ရှု နိုင်ကြမည်ဖြစ်သည်။ ၎င်းနည်းပညာကို ယခုအခါ တီထွင်ထုတ်လုပ် ထားပြီဖြစ်ပြီး နာမည်ကို Sonte ဟု အမည်ပေးထားပါသည်။ ၎င်းနည်းပညာသည် မိမိမြင်ချင်သော မြင်ကွင်းကို ပုံရိပ်ယောင် နည်းပညာကို အသုံးပြုကာ တကယ့်အစစ်အမှန် မြင်ရသလို ပြုလုပ်ပေးထားခြင်းပင် ဖြစ်သည်။

ထိုကဲ့သို့ အလွန်မြင့်မားလာသော အခြေအနေများကြောင့် အာကာသဆိုင်ရာ ဂြိုဟ်တုလွှတ်တင်မှု အပိုင်းသည် ၂၀၄၅ ခုနှစ်တွင် တစ်စုံတစ်ရာ အတိုင်းအတာ တစ်ခုအထိ ပြောင်းလဲတိုးတက်စွာ တည်ရှိနေလိမ့်မည် ဖြစ်ပါသည်။ ယခုဟောကိန်း ထုတ်ထားသည့် အတိုင်းသာ အမှန်တကယ် ဖြစ်လာပါက ဂြိုဟ်တုလွှတ်တင်ခြင်းကို မြေပြင်ပေါ်မှသာ လွှတ်တင်တော့မည် မဟုတ်ဘဲ မြင့်မားသော အဆောက်အဦများပေါ်မှ လွှတ်တင်လာခြင်းကြောင့် ကုန်ကျစရိတ်လည်း လျှော့ချပေးနိုင်မည်ဖြစ်သည်။

ထို့အပြင် စမတ်အသုံး အဆောင်များအဖြစ် ဗီဒီယိုစနစ်များ၊ အရောင်ပြောင်းလဲနိုင်သော ဒြပ်ပစ္စည်းများ၊ အီလက်ထရောနစ် ဖျာများနှင့် အခြားနူးညံ့သော အိမ်သုံးပရိဘောဂများလည်း တည်ရှိလာမည်ဖြစ်သည်။ အဆောက်အဦ များတွင်လည်း ခရမ်းလွန်ရောင်ခြည်နှင့် အိုင်ယွန်နည်းပညာများကို အသုံးပြုခြင်းဖြင့် ရောဂါပိုးမွှားများ အန္တရာယ်မှ ကင်းဝေးစေရန် ပြုလုပ်ပေးနိုင်မည်ဖြစ်သလို လေဆာအခြေပြု ပိုးမွှားသတ်ခြင်း စနစ်များလည်း ၂၀၄၅ ခုနှစ်တွင် ဖြစ်ပေါ်လာနိုင်ပါသည်ဟု ဒေါက်တာ Pearson က ဆက်လက် ပြောကြားခဲ့ပါသည်။

သို့သော် ၂၀၁၅ ခုနှစ်တွင် ကျွန်ုပ်တို့အနေဖြင့် ပျံသန်းနေသော ကားများကို အသီးသီးစီးနိုင် ကြတော့မည်ဟု ယခင်ကကြိုတင် ဟောကိန်းထုတ်ခဲ့သော်လည်း ၎င်းဟောကိန်း ဖြစ်မလာခဲ့သော်လည်း နောင်လာမည့် ၂၀၄၅ တွင်တော့
အမှန်တကယ် ဖြစ်လာမည်ဟု ယုံကြည်ရပါသည်။ အထူးသဖြင့် လေယာဉ်များအနေဖြင့် ယခင်နှင့်လက်ရှိ အချိန်ထက် နည်းပညာပိုင်း
ဆိုင်ရာ များစွာတိုးတက်လာနိုင် ပေမည်။

သြစတြေးလျ အမျိုးသား တက္ကသိုလ်မှ သုတေသန အင်ဂျင်နီယာ တစ်ဦးဖြစ်သူ HamzaBen demra က နောင်လာမည့် ၂၀၄၅
ခုနှစ်တွင် လေကြောင်း ကုန်သွယ်မှု အခန်းကဏ္ဍတွင် ပြောင်းလဲမှုအ တော်များများကို မြင်ရလိမ့်မည်ဖြစ်ပြီး တိုးတက်လာသော ဆော့ဖ်ဝဲ နည်းပညာများကြောင့် ၀ါသနာရှင် လေယာဉ်မှူးများသည်လည်း တကယ့်ကျွမ်းကျင် ပညာရှင် တစ်ဦးကဲ့သို့ မောင်းနှင် လာနိုင်မည်ဖြစ်သည်ဟုဆိုသည်။

လေယာဉ်ပျံများ အနေဖြင့် ယခုထက် ပိုမိုပေ့ါပါးလာမည်ဖြစ်ကာ ၎င်းတို့တွင် တပ်ဆင်ထားသော အာရုံခံစနစ်များကြောင့်လည်း ထိခိုက်ပျက်စီးမှုကို မိမိဘာသာ ပြန်လည်ပြုပြင် နိုင်စွမ်းရှိလာမည်ဟု ဆိုသည်။ အဘယ်ကြောင့်ဆိုသော် Bristol တက္ကသိုလ်မှ ဓာတုဗေဒပညာရှင် တစ်ဦးဖြစ်သူက မိမိဘာသာ ပြန်လည်ကောင်းမွန်အောင် ပြုလုပ်ပေးနိုင်သော ဒြပ်ပေါင်း တစ်ခုကိုတီထွင်နိုင်ခဲ့ပြီး ၎င်းဒြပ်ပေါင်းသည် လူသားတို့၏ အရေပြားကဲ့သို့ပင် မိမိဘာသာ ကောင်းမွန်အောင် ပြန်လည်လုပ်ဆောင် နိုင်ပါသည်ဟု ဆိုသည်။

ထို့အပြင် ၎င်းဒြပ်ပေါင်းများကို တယ်လီဖုန်း မျက်နှာပြင်တွင်လည်း အသုံးပြုနိုင်မည်ဖြစ်ကာ သံခြစ်ရာများ၊ အခြားသော ခြစ်ရာများဖုန်း၏ မျက်နှာပြင်ပေါ်ကို ခြစ်မိပါက အစင်းရာ မထင်အောင် မိမိကိုယ်တိုင်ပြန်လည် ပြုပြင်သွားနိုင်မည်ဟု ဆိုသည်။ ဂျက်အင်ဂျင်များ၏ စွမ်းဆောင်နိုင်မှုသည်လည်း အမြင့်ဆုံးအဆင့်သို့ပင် ရောက်ရှိလာမည်ဖြစ်သောကြောင့် ဈေးနှုန်းသက်သာစွာဖြင့် ပျံသန်းနိုင်မည်
ဖြစ်သလို လူထုအတွက်လည်း ပို၍ အသုံးဝင်မှု ရှိလာမည်ဖြစ်သည်။ ၂၀၄၅ ခုနှစ်တွင် ကြီးမားသော တိုးတက်မှုများအဖြစ် လန်ဒန်မှ
ဆစ်ဒနီသို့ တစ်နာရီနှုန်းပျံသန်းမှု ကြာချိန်ထက် များစွာလျော့နည်းမည့် ကြာချိန်များဖြင့် ပျံသန်းလာနိုင်မည် ဖြစ်သည်။

သယ်ယူပို့ဆောင်ရေး အပိုင်းနှင့်ပတ်သက်၍ မိမိဘာသာ မောင်းနှင်နိုင်မည့် ကားများ၊ ကုန်တင်ကားများကို ၂၀၄၅ ခုနှစ်တွင် ပိုမိုမြင်တွေ့လာနိုင်ပြီး ၎င်းအချိန်နောက်ပိုင်းတွင် မည်သူတစ်ဦး တစ်ယောက်မျှ ကားများကို ကိုယ်ပိုင်ဝယ်ယူ မောင်းနှင်ခြင်းထက် ကုမ္ပဏီများ၊ အဖွဲ့အစည်းများမှ တိုက်ရိုက် ထိန်းချုပ်သော ကွန်ရက်စနစ် အသုံးပြုမောင်းသူ မပါဝင်သော ကားများဖြင့်သာ သွားလာနိုင်လိမ့်မည်ဟုလည်း ယူဆနေကြပါသည်။ လမ်းများတွင်လည်း ကားများကို စွမ်းအင်ပေးနိုင်ရန် စနစ်များကို  အသုံးပြုတည်ဆောက် သွားမည် ဖြစ်သလို စက်ဘီးစီးနင်း သူများအတွက်လည်း နင်းစရာပင် မလိုအပ်ဘဲ လမ်းပေါ်တွင် တပ်ဆင်ထားသော စနစ်များမှ စက်ဘီးကို ဆွဲငင်ယူစေမည်ဖြစ်သည်။ သို့သော် တောင်တက်ခြင်း နေရာများတွင်မူ  ကန့်သတ်ချက်များတော့ ရှိနေဦးမည် ဖြစ်ပါသည်။

၂၀၄၅ ခုနှစ်၏ နံနက်ခင်း တစ်ခုတွင် သင်နိုးထလာခဲ့ပြီး ကိုယ်လက်သန့်စင် အသုံးပြုရန် ရေချိုးခန်းအတွင်းသို့ ဝင်လိုက်သည်နှင့် သင်၏ သွေးခုန်နှုန်းနှင့် သွေးအတွင်း အောက်ဆီဂျင် တည်ရှိမှုနှုန်းများကို ကြည့်မှန်မှ သင့်ကိုစောင့်ကြည့် သတိပေးနေမည် ဖြစ်သည်။ ထို့နောက် သွားတိုက်ပါကလည်း အလွန်ပါးလွှာသော သွားတိုက်တံမှ သွားတိုက်နေစဉ်အတွင်း သင်၏တံတွေး အရည်များကို စစ်ဆေး
နေမည်ဖြစ်သလို ရေချိုးခန်းကြမ်းပြင်မှ သင့်ခန္ဓာကိုယ် အလေးချိန်နှင့် အရေပြားမှ ဆားဓာတ်ထွက် ရှိမှုကိုစစ်ဆေး နေမည်ဖြစ်သလို အိမ်သာအသုံးပြုသည့် အခါတွင်လည်း အိမ်သာမှ သင်၏အညစ်အကြေးများကို စစ်ဆေးပေးမည်ဖြစ်သည်။ ထို့နောက် သင်တစ်နေ့တာလုံး ပြုလုပ်ဆောင်ရွက်ခဲ့သမျှကို ယမန်နေ့က ပြုမှုဆောင်ရွက်မှုများနှင့် နှိုင်းယှဉ် ကြည့်ရှုနိုင်ရန် ဖော်ပြပေးမည်လည်း ဖြစ်နေလိမ့်မည်ဟု ခန့်မှန်းထားကြပါသည်။

မည်သို့ပင်ဆိုစေကာမူ ယခုဖော်ပြခဲ့သော နည်းပညာများ အနေဖြင့် ၂၀၄၅ ခုနှစ်တွင် အမှန်တကယ် ဖြစ်လာနိုင်ခြင်း ရှိ၊ မရှိကို ကျွန်ုပ်တို့အနေဖြင့် စောင့်ကြည့်ရုံမှတပါး အခြားသော နည်းလမ်းမရှိပေ။ လက်ရှိတွင်လည်း မောင်းသူမဲ့ မော်တော်ကားများကို စက်မှုထွန်းကားသော အင်အားကြီး နိုင်ငံများက အသီးသီးကြိုးစား ထုတ်လုပ်လျက်ရှိရာ အတော်အသင့် အောင်မြင်နေပြီဖြစ်ပြီး လာမည့်နှစ်ပေါင်း ၃၀ အတွင်း၌ မောင်းသူမဲ့ မော်တော်ယာဉ် စနစ်ကို သေချာပေါက် တီထွင်စီးနင်းနိုင်မည်ဟု ယုံကြည်ရပါသည်။ လူဦးရေထူထပ် လာမှုနှင့်အတူ သိပ်သည်းမှုကို ဖြေရှင်းရန် အထပ်မြင့် အဆောက်အဦများကို လူသားများအနေဖြင့် ပိုမိုဆောက်လုပ် လာလိမ့်မည်ဖြစ်သည်။ ထို့ကြောင့် ၂၀၄၅ ခုနှစ်သည် ကျွန်ုပ်တို့ ကမ္ဘာကြီးအတွက် များစွာသော တိုးတက်မှုများ ဖြစ်ပေါ်ခြင်းကို စိတ်လှုပ်ရှားစွာဖြင့် စောင့်ကြည့်နေရဦးမည် ဖြစ်သည်။