September 26, 2017

နယ်သာလန်အခြေစိုက် EIFL နှင့်တက္ကသိုလ်စာကြည့်တိုက်များ ပူးပေါင်းရေးနှင့် ဖွံ့ဖြိုးတိုးတက်ရေး နားလည်မှု စာချွန်လွှာလက်မှတ်ရေးထိုး

ပညာရေးဝန်ကြီးဌာန အဆင့်မြင့်ပညာဦးစီးဌာနနှင့် နယ်သာလန်နိုင်ငံအခြေစိုက် Stichting Electronic Information for Libraries(EIFL) တို့ နှစ်နိုင်ငံကြား နားလည်မှုစာချွန်လွှာလက်မှတ်ရေးထိုးခဲ့တယ်လို့ နိုင်ငံပိုင်သတင်းစာမှ သိရပါတယ်။

စာချွန်လွှာကို ပညာရေးဝန်ကြီးဌာန အဆင့်မြင့်ပညာဦးစီးဌာန ညွှန်ကြားရေးမှူးချုပ် ဒေါက်တာသိန်းဝင်းနှင့် နယ်သာလန်နိုင်ငံအခြေစိုက်(EIFL) မှ Director Ms.Rima Kupryte တို့မှ နှစ်နိုင်ငံကြား အဆင့်မြင့်ပညာရေးနယ်ပယ်တွင် တက္ကသိုလ်စာကြည့်တိုက်များ ပူးပေါင်းရေးနှင့် ဖွံ့ဖြိုးတိုးတက်ရေး ဆောင်ရွက်ခြင်းတွေအတွက် ပညာရေးလုပ်ငန်းတွေကို သဘောတူညီတဲ့ နားလည်မှုစာချွန်လွှာအား လက်မှတ်ရေးထိုးခဲ့ကြပါတယ်။

လက်မှတ်ရေးထိုးပွဲကို ဧပြီလ ၂၅ ရက် မနက် ၁၀ နာရီမှာ နေပြည်တော် ရုံးအမှတ်(၁၃) ပညာရေးဝန်ကြီးဌာန အစည်းအဝေးခန်းမမှာ ကျင်းပပြုလုပ်ခဲ့တာဖြစ်ပြီး အခမ်းအနားသို့ ပညာရေးဝန်ကြီးဌာန ဒုတိယ၀န်ကြီးဦးဝင်းမော်ထွန်း၊ အမြဲတမ်းအတွင်းဝန်၊ အဆင့်မြင့်ပညာဦးစီးဌာန ညွှန်ကြားရေးမှူးချုပ်၊ ဖိတ်ကြားထားသော တက္ကသိုလ်များမှ ပါမောက္ခချုပ်များ၊ စာကြည့်တိုက်မှူးများနှင့် နယ်သာလန်နိုင်ငံအခြေစိုက် (EIFL) တို့မှ တာဝန်ရှိသူများ တက်ရောက်ခဲ့ကြပါတယ်။