October 17, 2017

ထိုင်ဝမ်ရဲ့ ပထမဆုံးလက်လီစတိုးကို Taipei 101 မိုးမျှော်တိုက်မှာ ဖွင့်လှစ်လိုက်တဲ့ Apple

ထိုင်ဝမ်အတွက် ကုမ္ပဏီရဲ့ပထမဆုံး လက်လီစတိုး တည်နေရာကို Apple က မိတ်ဆက်ကြေညာလိုက်ပါတယ်။ ဒီကြေညာချက်ကို Apple က ကုမ္ပဏီရဲ့ ထိုင်ဝမ်ဝက်ဘ်ဆိုက်ကနေ ပြုလုပ်ခဲ့သလို Tim Cook ကလည်း Twitter ကနေ ထုတ်ပြန်ခဲ့ပါတယ်။

Apple ရဲ့ ထိုင်ဝမ် လက်လီစတိုးဟာ Taipei 101 မိုးမျှော်တိုက်ရဲ့ မြေညီထပ်နဲ့ မြေအောက်ထပ်မှာ တည်ရှိတယ်လို့ သိရပါတယ်။ ဖွင့်လှစ်မယ့်အချိန်ကို မသိရသေးပေမယ့် ဇွန်လကုန်မှာ ဖွင့်လှစ်ဖွယ်ရှိတယ်လို့ AppleDaily က ဖော်ပြခဲ့ပါတယ်။

Taipei World Financial Center အနေနဲ့ လူသိများတဲ့ Taipei 101 ကို ၂၀၀၄ ခုနှစ်မှာ အပြီးသတ်တည်ဆောက်ခဲ့ပြီး ရုံးခန်းတွေ၊ စားသောက်ဆိုင်တွေနဲ့ ဈေးဝယ်စင်တာတွေအတွက် အထပ် ၁၀၁ ထပ် ပါဝင်ပါတယ်။

Taipei 101 မှာ Apple က ပထမဆုံး လက်လီစတိုးဖွင့်လှစ်လိုက်တဲ့အတွက် သုံးစွဲသူတွေအနေနဲ့ ထုတ်ကုန်တွေကို Apple လက်လီစတိုးကနေ ပထမဆုံးအကြိမ် တိုက်ရိုက်ဝယ်ယူနိုင်တော့မှာဖြစ်ပါတယ်။

-နောင်နောင်
Ref: 9to5mac