August 22, 2017

စာသင်သားများအတွက် လုပ်ငန်းသုံးအင်္ဂလိပ်စာ Employment – 2

လုပ်ငန်းအဖွဲ့အစည်းတစ်ခု သို့မဟုတ် ကုမ္ပဏီတစ်ခုကို တည်ထောင်လုပ်ကိုင်ကြသည့်အခါ လုပ်ငန်းတာဝန်အလိုက် လုပ်ကိုင်ဆောင်
ရွက်ကြရမည့် ဝန်ထမ်း သို့မဟုတ် အလုပ်သမားများ လိုအပ်ပါသည်။ အစိုးရလုပ်ငန်းများတွင်မူ အရာရှိအဆင့်ရှိသူများကို အရာထမ်းများဟု ခေါ်ကြကာ ကျန်အဆင့်များကို ဝန်ထမ်းများဟု ခေါ်ဆိုကြသည်။ အစိုးရမဟုတ်သော လုပ်ငန်းကုမ္ပဏီများတွင် အရာရှိအရာထမ်းဟူသော အသုံး အနှုန်းမရှိကြပေ။ အစိုးရလုပ်ငန်း ဌာနများအတွက် အရာရှိအဆင့်အထက်
ခန့်ထားမှုအားလုံးကို ဝန်ကြီးဌာနများက အတည်ပြုခန့်ထားကြသည်။ မည်သည့်အဆင့် မည်သည့်ရာထူးဖြင့် ခန့်ထားသည်ဟူသော ကိစ္စအတွက် အစိုးရပြန်တမ်းဖြင့် အတည်ပြုကြလေ့ရှိသည်။ သို့အတွက် ပြန်တမ်းဝင်အရာရှိ (gazetted officer) ဟူသော အသုံးအနှုန်းရှိခဲ့ကြသည်။ စီမံခန့်ခွဲရေး အဆင့်အကြီးတန်း အရာရှိကိုမူ အမှုဆောင်အရာရှိ (Executive Officer) ဟုခေါ်ဆိုကြသည်။ အစိုးရဌာနတစ်ခုတွင် နောင်အခါ လိုအပ်လာနိုင်သည့် ရာထူးတစ်ခုအတွက် လျာထား၍ အလုပ်သင်သဘောမျိုး ခန့်ထားမှုကို Supernumerary post ဟု ခေါ်ဆိုသကဲ့သို့ သက်ဆိုင်ရာလုပ် ငန်းရပ်တစ်ခုခုအတွက် အလုပ်သင်ဘဝဖြင့် လုပ်ကိုင်သူများကို Apprentice ဟု သတ်မှတ်ကြသည်။ ကျောင်းသားများကို လုပ်ငန်းအဖွဲ့အစည်းတွင် အတွေ့အကြုံရစေရန် လက်တွေ့လုပ်ကိုင်မှုကို ယနေ့ခေတ်တွင် Internship ဟုခေါ်ဆို သုံးနှုန်းကြသည်။ အစိုးရမဟုတ်သည့် လုပ်ငန်းဌာနအဖွဲ့အစည်းနှင့်ကုမ္ပဏီများတွင် သတ်မှတ်ခန့်ထားကြသော ရာထူးတာဝန်များမှာမူ အမျိုးမျိုးကွဲပြားခြားနားမှု ရှိနိုင်ပါသည်။

အလုပ်အကိုင်ရှာဖွေသူ (job seeker) တစ်ဦးသည် အလုပ်လျှောက်ထားကြရာတွင် မိမိအပေါ် ယေဘုယျလေ့လာကာ မှတ်ချက်ပြုနိုင်ရန်
ပညာရည်မှတ်တမ်း အကျဉ်းအဖြစ် CV ခေါ် Curriculum Vitae ဖြစ်စေ၊ ကိုယ်ရေးအကျဉ်း Resume ကိုဖြစ်စေ ပူးတွဲတင်ပြကြရသည်။ CV နှင့် Resume တို့၏ ကွာခြားချက်ကို လေ့လာကြည့်မည်ဆိုပါက CV သည် အမည်နေရပ်လိပ်စာနှင့် ပညာအရည်အချင်း ဖော်ပြမှုကို အဓိကထား ဖော်ပြကြလေ့ရှိသဖြင့် စာမျက်နှာ တစ်မျက်နှာဖြင့်သာ မြင်တွေ့ကြရလေ့ရှိသည်။ Resume တွင်မူ ပညာရေးသင်ကြားမှု သမိုင်းကြောင်း၊ လုပ်ငန်းအတွေ့အကြုံများနှင့် အထူးကျွမ်းကျင်မှု စွမ်းဆောင်ရည်များပါ ဖော်ပြခွင့်ရသဖြင့် စာတစ်မျက်နှာထက်မက ပါဝင်နိုင်ပါသည်။

အလုပ်ခန့်ထားရန်အတွက် လူတွေ့စစ်ဆေးခြင်း (Interview) ပြုလုပ်ကြရမှာဖြစ်သည်။ လူတွေ့မေးမြန်းရာတွင် ဖြေကြားသူ (Interviewer) အနေဖြင့် စစ်ဆေးတွေ့ဆုံမေးမြန်းသူ (Interviewer) မေးမြန်းသမျှကို ဖြေကြားပေးကြရသည်။ စစ်ဆေးတွေ့ဆုံမေးမြန်းသူအနေဖြင့် ပထမဦးစွာ အလုပ်လျှောက်လွှာ (Application) တင်သွင်းသူ၏ ကိုယ်ရေးအကျဉ်းပါ CV (Curriculum Vitae) သို့မဟုတ် Resume ကိုစစ်ဆေးယူကာ မိမိခန့်ထားရန်ရှိသော အလုပ်ပုံစံ (Job Description) နှင့် သင့်လျော်မည့်သူများကို ပထမအဆင့်ရွေးချယ်ခံစာရင်း (Show list) ကိုပြုလုပ်ယူကြသည်။ ထိုသို့စိစစ်ရွေးချယ်သည့် လုပ်ငန်းစဉ် (Screening Process) တွင် သင့်တော်မည့်သူ (Candidate) များကိုသာ ပါဝင်စေသည်။

CV များကို ယေဘုယျအားဖြင့် ပုံစံသုံးမျိုးဖြင့်မြင်တွေ့ကြရလေ့ရှိသည်။ Chronological CV ဟုခေါ်ဆိုသည့် မကြာခင်ကလုပ်ကိုင်ခဲ့သော အလုပ်အကိုင်များကို ကာလအပိုင်းအခြားနှင့် ဖော်ပြပေးသည့်ပုံစံ၊ Functional CV ဟုခေါ်ဆိုသော လုပ်ကိုင်ခဲ့ဖူးသည့် အတွေ့အကြုံများမှ ယခုခန့်ထားရန်ပြဆိုထားသည့် ရာထူးနေရာလုပ်ငန်း သဘာဝနှင့်တူညီမှု ရှိနေသော အတွေ့အကြုံများကို အထူးဖော်ညွှန်းရေးသားသော ပုံစံ သို့မဟုတ် အဆိုပါပုံစံနှစ်ခုကို သင့်လျော်သည့် အနေအထားများဖြင့် ပြဆိုသည့်ပုံစံဟူ၍ သုံးမျိုးရှိနေပါလိမ့်မည်။

လျှောက်လွှာရှင်များအနေဖြင့် အောက်ပါပုံစံများ ကဲ့သို့သော အာမခံချက်များနှင့် ကတိပြုရေးသားကြသည်ကို နမူနာအဖြစ် သတ်မှတ်ထားနိုင်ပါသည်။

(1) I am a flexible person seeking employment which will allow development, growth and make use of my exiting skills.

ကျွန်တော်သည် ဖွံ့ဖြိုးတိုးတက်စေမည့်အခွင့်အလမ်းကိုရှာဖွေကာ မိမိ၏ လက်ရှိကျွမ်းကျင်သိရှိပြီးသောအင်အားကိုအသုံးချ၍ လိုက်လျောညီထွေ လုပ်ဆောင်မည့်သူ ဖြစ်ပါသည်။

(2) I am a good listener and learner, and am able to com-municate well with people from all walks of life.

ကျွန်တော်သည် အသေအချာလေ့လာ လိုက်နာဆောင်ရွက် တတ်သူဖြစ်ပြီး ဘဝခရီးတစ်လျှောက်တွင် တွေ့ဆုံသူများကို ကောင်းစွာဆက်ဆံ ဖြေဆိုနိုင်ပါသည်။

(3) I am a keen, hand working, reliable and excellent timekeeper.

ကျွန်တော်သည် လုပ်ငန်းအပေါ်သစ္စာရှိကာ ကြိုးကြိုးစားစား ထက်ထက်မြက်မြက် ထိရောက်စွာ လုပ်ကိုင်တတ်သူ ဖြစ်သကဲ့သို့ အချိန်ကို တိကျစွာ အသုံးချတတ်သူ ဖြစ်ပါသည်။

(4) I have a good sense of humour and a plansent approach.

ကျွန်တော်သည် တစ်ဖက်သား၏ စိတ်ကိုနားလည်စွာဖြင့် ချဉ်းကပ်စည်းရုံး ဆောင်ရွက်တတ်သူ ဖြစ်ပါသည်။

(5) I am able to motivate and direct my talents and skills to meet objectives.

ကျွန်တော့်အနေဖြင့် မြေတောင်မြှောက်သင့်သူများကို စိတ်အားတက်ကြွစွာ လုပ်ကိုင်နိုင်ရန် နှိုးဆော်နိုင်စွမ်း ရှိသကဲ့သို့ ရည်မှန်းပြည့်မီစေရန်လည်း ဆောင်ရွက်နိုင်စွမ်းရှိပါသည်။

CV သို့မဟုတ် Resume တွင်လျှောက်ထားသူအနေဖြင့် အောက်ပါမေးခွန်းများအပေါ် စဉ်းစားချင့်ချိန်ထားရှိပြီး ဖြစ်ရပါမည်။

(1) Do you have gaps or breaks in your employment history.

သင်၏လုပ်ငန်း လုပ်ကိုင်မှုသမိုင်းကြောင်းတွင် အလုပ်တစ်ခုနှင့်တစ်ခု ကူးပြောင်းလုပ်ကိုင်မှုအကြား ကွာဟနေသည့်အချိန်ကာလ ရှိ၊ မရှိ။

(2) Are you staying in the same area of work or having a cover change?

မိမိလုပ်ကိုင်လာခဲ့သော နေရာဌာနများသည် တူညီသော အလုပ်အကိုင်ဖြစ်၊ မဖြစ် သို့မဟုတ် မတူညီသော အလုပ်အကိုင် သဘာဝတရားများကို ပြောင်းလဲလုပ်ကိုင်ခြင်း ရှိ၊ မရှိ။

(3) How you have several short term or seasonal jobs?

အချိန်ပိုင်းကာလ အပိုင်းအခြားပုံစံဖြင့် မကြာခဏလုပ်ကိုင်ခဲ့ဖူးခြင်း ရှိ၊ မရှိ။ သို့မဟုတ် ရာသီပေါ်အလုပ်များ လုပ်ကိုင်ခဲ့ခြင်း ရှိ၊ မရှိ။
လူတွေ့စစ်ဆေးသည့်အခါ အောက်ပါအတိုင်း မေးခွန်းများလည်း မေးမြန်းကြလေ့ရှိကြောင်း နမူနာအဖြစ် ပြဆိုလိုပါသည်။

(1) Why do you want to join this company?

ယခုကုမ္ပဏီတွင်အလုပ်လုပ်ရန် မည်သည့်အကြောင်းကြောင့် စိတ်ကူးခဲ့ပါသည်။

(2) What changes would you implement if you got this job?

ဤအလုပ်ကို ခန့်ထားခြင်းခံရပါက မည်သည့်ဖြည့်ဆည်းမှုများဖြင့် ပြောင်းလဲဆောင်ရွက်နိုင်မည်နည်း။

(3) What is your expected salary?

လစာငွေ မည်မျှမျှော်မှန်းထားပါသနည်း။

(4) Do you know this post offers a basic salary plus generous commission?

ဤအလုပ်အကိုင်ရာထူးတွင် လစာငွေအဖြစ် ကော်မရှင်ခခံစားခွင့်ရှိသည်ကို သင်သိထားပါသလား။

(5) What has brought you to this point in your career?

သင်၏တတ်ကျွမ်းမှုနှင့်အတူ ယခုပေးအပ်မည့် လုပ်ငန်းတွင် မည်သို့ဆောင်ရွက် နိုင်မည်နည်း။

(ရှေ့အပတ်တွင် အစည်းအဝေး (Meeting) အကြောင်းဖော်ပြပေးပါမည်)

-ရွှေပုလဲအိမ်