October 21, 2017

စင်ကာပူနိုင်ငံ SIM မှာ ရာနှုန်းပြည့်ပညာသင်ဆုရရှိခဲ့တဲ့ မစုပြည့်ပြည့်စံရဲ့ Student Life

စင်ကာပူနိုင်ငံ SIM (Singapore Institute of Management) တွင် ရာနှုန်းပြည့်ပညာသင်ဆု (Full Scholarship) ရရှိခဲ့တဲ့ မစုပြည့်ပြည့်စံရဲ့ Student Life ကိုဖော်ပြပေးမှာဖြစ်ပါတယ်။

ညီမက ရာနှုန်းပြည့်ပညာသင်ဆုကို ဘယ်ဘာသာရပ်အတွက် ရရှိခဲ့တာပါလဲ။

ရာနှုန်းပြည့်ပညာသင်ဆုကို စင်ကာပူနိုင်ငံ Singapore Institute of Management (SIM) ကရရှိခဲ့တာပါ။ Diploma in Banking and Finance ဘာသာရပ်ကိုရရှိခဲ့တာဖြစ်ပါတယ်။

ပညာသင်ဆုက ဒီဘာသာရပ်ကိုပဲပေးတာလား။

ပညာသင်ဆုကတော့ ဒီဘာသာရပ်ကိုပဲ ပေးတာမဟုတ်ပါဘူး။ တခြား ဘာသာရပ်တွေလည်း ရှိပါသေးတယ်။ Banking and Finance ကိုရွေးချယ်ဖြစ်ခဲ့တာကတော့ စိတ်ဝင်စားလို့ပါ။ မြန်မာနိုင်ငံမှာ ဒီဘာသာရပ်က အရမ်း Demanding ဖြစ်နေတဲ့ဘာသာရပ်တစ်ခုဖြစ်လို့ မြန်မာနိုင်ငံကိုပြန်လာပြီး အလုပ်လုပ်မယ်ဆိုရင် အလုပ်အကိုင်အခွင့်အလမ်း ကောင်းလာမယ်ထင်လို့ပါ။

ပညာသင်ဆုကို ဘယ်လိုကြောင့်လျှောက်ဖြစ်ခဲ့တာလဲ။

STUDY ABROAD Information Centre ကကျင်းပတဲ့ Seminar ပွဲကိုသွားတက်ပြီး ခိုင်မာမှုရှိတဲ့ကျောင်းကပေးအပ်တဲ့ ပညာသင်ဆုကို စိတ်ဝင်စားတာရယ်၊ အတွေ့အကြုံရချင်တာရယ်ကြောင့် Scholarship ကိုလျှောက်ဖြစ်ခဲ့ခြင်းဖြစ်ပါတယ်။

ပညာသင်ဆုရရှိတဲ့အတွက် ဘယ်လိုခံစားခွင့်တွေရရှိခဲ့လဲ။

ဒီပညာသင်ဆုကိုရရှိတဲ့အတွက် ကျောင်းလခပေးစရာမလိုတော့ဘဲ နေစရိတ်၊ စားစရိတ်ပဲကုန်ကျတော့မှာဖြစ်တဲ့အတွက် ကုန်ကျစရိတ် သက်သာစွာနဲ့ နိုင်ငံတကာပညာတွေကို သင်ယူခွင့်ရရှိခဲ့ပါတယ်။ အဲဒါအပြင် မိမိကိုယ်တိုင်ရဲ့ကြိုးစားအားထုတ်မှုအပေါ်မှာမူတည်ပြီး ရှေ့ဆက် တက်ရမယ့်ဘွဲ့ကြိုအတန်းတွေအတွက် နိုင်ငံကြီးတွေကပေးမယ့် ပညာသင်ဆုတွေကိုရရှိစေမယ့် အခွင့်အလမ်းအကျိုးကျေးဇူးတွေကိုရရှိစေမှာ ဖြစ်ပါတယ်။

စင်ကာပူမှာကျောင်းတက်ဖြစ်တဲ့ရည်ရွယ်ချက်လေးကို ပြောပြပေးပါ။

ပြည်ပမှာကျောင်းတက်ဖို့ရွေးချယ်ဖြစ်ခဲ့တာကတော့ အရည်အသွေး ပြည့်မီတဲ့ နိုင်ငံတကာပညာရေးကို ရယူချင်လို့ဖြစ်ပါတယ်။

ကျောင်းတက်နေပြီလား။

ကျောင်းကတော့ မတက်ရသေးပါဘူး။ အခုလာမယ့် ဧပြီလကျောင်းဖွင့်ချိန်မှ တက်ရောက်ရမှာပါ။

ပညာသင်ဆုမလျှောက်ခင်က ဘာတွေကြိုတင်ပြင်ဆင်ခဲ့ရလဲ။

သမီး ပညာသင်ဆုမလျှောက်ခင်ကတည်းက SAT နဲ့ IELTS အပါအဝင် တခြားလိုအပ်မယ်ထင်တာတွေ ကြိုတင်ပြင်ဆင်ထားခဲ့ပါတယ်။ ပြီးတော့ STUDY ABROAD Information Centre က ပညာရေးတိုင်ပင်ခံတာဝန်ခံအစ်မတွေကလည်း လိုအပ်တာတွေထပ်ဖြည့်ဖို့ လမ်းညွှန်ကူညီပေးခဲ့ပါတယ်။

ကျောင်းပြီးရင် ဘာလုပ်ဖို့စဉ်းစားထားလဲ။

သမီး Diploma တန်းပြီးရင် Singapore Institute of Management မှာဖွင့်ထားတဲ့ University of London က Banking and Finance ဘာသာရပ်ကိုဘွဲ့ရတဲ့အထိ ဆက်လက်သင်ကြားမှာဖြစ်ပါတယ်။ ကျောင်းပြီးသွားရင် Singapore မှာ အလုပ်အတွေအကြုံယူပြီး မြန်မာနိုင်ငံမှာ လက်တွေ့ပြန်အသုံးချချင်ပါတယ်။

ညီမလေးလို ပညာသင်ဆုလျှောက်ထားချင်တဲ့သူတွေအတွက် အကြံပေးစကားကိုပြောပြပေးပါဦး။

ပညာသင်ဆုလျှောက်ထားတော့မယ်ဆိုရင် ကျောင်းက သတ်မှတ်ထားတဲ့အမှတ်သတ်မှတ်ချက်တွေနဲ့ အရင်ဆုံးပြည့်မီဖို့တော့ လိုပါတယ်။ Interview အဆင့်ရောက်လာတဲ့အခါမှာလည်း သူများနဲ့မတူတဲ့ အမြင်တွေ ရှိနေသင့်ပါတယ်။ ဒါမှ ကိုယ်က တခြားကျောင်းသူ၊ ကျောင်းသားတွေထက် Interviewer ရဲ့ သတိထားမှုကို ရရှိမှာဖြစ်ပါတယ်။ ဒါ့အပြင် Personal မေးခွန်းတွေဖြစ်တဲ့ ကိုယ့်ရဲ့ အားသာချက်၊ အားနည်းချက်၊ ကိုယ်ကပတ်ဝန်းကျင် လူ့အဖွဲ့အစည်းကို ဘယ်လိုအကျိုးပြုခဲ့လဲဆိုတာကို ကိုယ်ကိုယ်တိုင်က ရှင်းရှင်းလင်းလင်းသိထားဖို့်လိုအပ်သလိုမေးလာတဲ့ အခါမှာလည်း Interviewer တွေ သေချာနားလည်အောင်ပြောပြနိုင်ဖို့လည်း အရေးကြီးတယ်လို့ပြောချင်ပါတယ်။